Кои општествени процеси влијаат врз промената на градот? Како тие промени го менуваат идентитетот на градот? Како правилно да се измерат потребите на модерниот град и тој да се модернизира зачувувајќи ги своите традиционални и автентични вредности? Kако до одржлив град низ правични еколошки, социо-просторни и архитектонски промени? Овие и многу други прашања ќе претставуваат стимул за изработка на публикацијата од страна на авторките Ива Петрунова и Емина Рустемовска, кои ја споија теоријата со практичните предизвици со цел да ги идентификуваат можностите за изградба на Скопје во метаболички град кој е димензиониран на времето во кое постои и приспособен на потребите на граѓаните.
Ни претставува голема чест и задоволство да Ве поканиме на промоцијата на публикацијата “Градот во транзиција – од eколошки, социо-просторни, архитектонски промени до одржлив град: Скопје помеѓу теоријата и можностите”, како и заеднички да ги дискутираме клучните наоди, препораки и можни решенија за градот во транзиција да се изгради низ призмата на одржлив град.