ТЕД настан на тема Креативните индустрии – спектар на можности или затворен круг на идеи?

мај 30, 2017 08:00

Град Скопје

Бул. Илинден бр.82 Скопје

389-2-3297-2

Таленти насекаде, дел познати, дел неоткриени. Колку од нашите креативни таленти добиваат можност за професионален развој и напредок во земјава?

Дали во Македонија се препознава потенцијалот на креативните индустрии за креирање нови работни места и за зајакнување на економијата базирана на знаење, или овој сектор претставува само затворен круг на идеи? Што лежи во суштината на дизајнот и иновациите и како тие да се искористат за економски и културен развој, за решавање на општествените проблеми и за отворање повеќе можности за овие професионалци? Дали технологијата, отворениот софтвер и хардвер, и отворените системи за дизајнирање водат кон нова трета индустриска револуција?

Бидејќи за овие прашања ретко се дискутира, првиот настан од новата серија TEDxSeptemvriskaSesijaSalon настани во Македонија ќе го посветиме токму на темата „Креативните индустрии – спектар на можности или затворен круг на идеи?”.
На настанот ќе се обидеме да дадеме одговор на дел од овие прашања, да продискутираме и да го предизвикаме вашето постоечко размислување за начинот на кој ја поттикнуваме креативноста, го негуваме талентот и создаваме креативни дела со економска, културна и социјална вредност. Преку споделување на информации, идеи и мислењa ќе се обидеме да ги одговориме прашањата за тоа која е нашата улога во поттикнување на развојот на талентите и дали и како соработката помеѓу различните дисциплини и сектори (уметност, дизајн, технологија, образование, здравство, итн.) ќе отвори можности за раст и развој на креативните индустрии?

Настанот ќе се оддржи на 06.05.2017, со почеток од 19 часот во просториите на Кино Фросина, односно Младинскиот културен центар (МКЦ) во Скопје. Настанот е независно организиран ТEDх настан и истиот е лиценциран од страна на TED. Повеќе детали во однос на експерт гостите, партнер организациите и агендата на настанот ќе бидат дополнително објавени.

Како да аплицираш?
За присуство на настанот, сите заинтересирани е потребно да пополнат апликационен формулар: https://goo.gl/forms/HBm9xHrHBP6PmDo12
Учеството на настанот е бесплатно.

Поддржувачи:
Скопје Креатива, Social Innovation Hub, Smart Up – Social Innovation Lab

Повеќе за Salon типот на настани може да дознаете овде:
https://www.ted.com/participate/organize-a-local-tedx-event/before-you-start/event-types/salon-event

Официјалната лиценца за настанот:
https://www.ted.com/tedx/events/21740

Вкупно 0 гласови
0

Како може да се подобри оваа идеја?

+ = Проверка личност или бот?