Настани

ЗДРАВО МЛАДИ!
Уште нѐ држи возбудата од минатото спектакуларно издание, кое (ни) постави нови, повисоки стандарди.
Ви пишуваме среде зимски распуст, за да ви кажеме дека подготовките за деветтото издание на вашиот омилен фестивал веќе од поодамна се во тек.

Денес, на речиси 9 месеци до фестивалот најавуваме:

– Запишете си го датумот 31 АВГУСТ (сабота) за ЗДРАВО МЛАДИ 9!

– Од денес можете да ги набавите првите early bird (најдругарски) билети по цена од 300 денари, САМО на билетарница во МКЦ или online преку bileti.mkc.mk

– Ви го откриваме и првиот изведувач на ЗДРАВО МЛАДИ 2019, хрватското мистериозно дуо Nipplepeople!

Тip!
Набавете си билет од овие најдругарските и најповолните, имаме неколку бомби од изведувачи во најава, така што билет за ЗДРАВО МЛАДИ е хартија од вредност 😉

Nipplepeople e хрватско електропоп дуо основано во 2008 година. Својата популарност ја стекнува настапувајќи на сите релевантни музички фестивали во регионот како EXIT, Hartera, Terraneo…Ова мистериозно дуо, за прв пат настапува во Македонија, на 31 август, на ЗДРАВО МЛАДИ!
Се гледаме во МКЦ

Книжевниот фестивал за мали фикции Друга приказна се одржува по четврти пат. Фестивалот е регионален по својата природа, и во четирите фестивалски дена дваесетина значајни имиња од регионот заедно со исто толку домашни, ќе креираат, дискутираат и осознаваат нишајќи се на границите меѓу можното и неможното.

Она што е посебно значајно оваа година е одбележувањето на два, за нас особено важни, јубилеја: 25-годишнината на списанието за култура Маргина и 10-годишнината од порталот Окно. Тоа е и една од причините насловот на главната тема на фестивалот оваа година да биде „На маргините“.

Лауреат на четвртата „Друга приказна“ е Ненад Величковиќ, писател од Сараево, Босна и Херцеговина. Величковиќ има комплексен и разгранет книжевен опус (неколку негови книги се преведени и на македонски), но има и големо искуство во некои алтернативни образовни книжевни практики кои често се занимаваат и со тоа која книжевност треба да биде „канонска“ („национална“, школска), а која да биде „на маргините“.

Со овогодинешната фестивалска тема „На маргините“ имаме за цел да разговараме за маргините како физичка или ментална ситуираност или светоглед. За маргините како политички, географски, стратешки, општествен, културен, егзистенцијален, поетички или книжевен феномен. Маргината има за цел да одржува рамнотежа помеѓу субверзивноста и конструктивноста, да ги предизвикува на редефинирање констелациите на моќ. Таа е неопходна за постоењето на центарот и го дефинира, непрестајно ја напаѓа неговата стабилност, без притоа да има намера да го замени.

Заеднички за поубав фестивал ве известуваме дека, новите датуми за фестивалот на Органска Храна се:

6-ти и 7-ми Септември: Петок и Сабота 2019-та година.
Од 10 часот до 18 часот и двата дена на истата локација,
Плоштад Македонија.

Сите излагачи и учесници кои досега се пријавени на фестивалот го задржуваат правото на присуство и а за сите детали околу нивната регистрација може да исконтактираат на: [email protected]

Заедно да градиме здрави навики.

Цивика мобилитас по втор пат со задоволство ви го најавува фестивалот „Ден на граѓанските организации“ кој ќе се одржи на 14 септември 2019 година во 10.00 часот на платото кај старата скопска чаршија / плоштад Скендербег и паркот Ибни Пајко во Скопје.
Доколку сакате вашата граѓанска организација да биде активен учесник на овој фестивал, пријавете се на оваа форма http://bit.ly/nfcm2019
Настанот е отворен за сите граѓански организации.

Ова е одлична прилика за граѓанските организации на лежерен и интерактивен начин да го претстават нивниот придонес во општеството пред пошироката публика. Посетителите ќе можат да се приклучат на многубројните активности и да се информираат повеќе за темите кои ги засегаат од нивниот општествен живот.

Септември е месецот на нови почетоци, а најдрагиот почеток е исполнет со силен детски џагор, стартот на новата учебна година и настанот кој на едно место ги собира сите неформални активности и програми за деца и млади. 😊

И овој септември Градскиот Парк ќе биде разигран со многу насмевки и возбудени детски лица на второто издание на После Часови ✏️ – единствениот саем за воннаставни активности за деца и млади кај нас.
Нѐ очекуваат два дена исполнети со разни забавни, активни и практични активности! Овој интерактивен настан ќе опфати голем број на области кои вашето дете ги посетува по завршување на училишните обврски – од уметност, спорт, музика, танц, ликовна уметност, пеење, едукативни центри и програми, изучување на странски јазици, училишен прибор и реквизити.⚽ 📖🎺

Секое дете ќе ја има уникатната можност да го искуси и доживее сѐ она што го нудат најдобрите едукативни центри, организации, музички и уметнички студија и спортски клубови кај нас, а родителите ќе имаат можност од прва рака и на едно место да ги дознаат сите информации кои се поврзани со воннаставните активности на нивните деца.

Наскоро ќе биде објавена и целосната програма за настанот, затоа не пропуштајте да ги заследете официјалните страни на Facebook и Instagram за да дознаете повеќе!

Настанот е отворен и бесплатен за сите. Останува само да нѐ посетите и на своето дете да му овозможите да го разбуди својот внатрешен мал гениј… Се гледаме! 😊

Звуците на Чаршијата“ е мултимедијална и мултикултурна манифестација што годинава се одржува по 13 пат и има за цел да потсети на заборавената традиција, да оживее некои недоволно посетени простори на Скопје и да придонесе кон еманципација на културно неизградените средини, но и да даде придонес кон континуираните активности на Градот Скопје и Културно-информативниот центар – Скопје за ревитализација на Старата скопска Чаршија.
Тродневна програма на манифестацијата и годинава ќе биде богата.
На 16 септември (понеделник)
14:00 – Плоштад Скендербег, Литературни дела на писателите со наслов “Старата Скопска Чаршија во делата од литературните творци”
18:00 – Камениот Мост, Изложба на фотографии на Старата Скопска Чаршија од Арбнора Мехмети и Зоран Шекеров
17:00 – Плоштад Скендербег, КУД “ИЛИРИДА“ Скопје, КУД „Студио Фолклор“ Скопје, КУД „Шамикуќет“ Урошевац, КУД “Јени Јол“ Скопје
18:00 – Платото пред Универзитет на Југо Источна Европа, БРАССТЕТ – Скопје
19:00 – Плоштад Скендербег, Емин Салихи – Бенд (Солисти : Хана Палоши ,Филонид Алиу,Доника Домазети)
19:00 КИЦ – Скopje , Изложба З.У.К. СИЛИНДАРТ, 16.09 – 18.09 2019
20:00 – Плоштад Скендербег, Солистички изведба на гитаристот Артан Кастрати на свои компонирани композиции
21:00 – Плоштад Скендербег, Балетска изведба “DREAM”
21:20 – Плоштад Скендербег, Кода Бенд
21:00 – Паркот на Скопското Кале, Кино под отворено небо, на филмот “Враќање“
Вториот ден, 17 септември (вторник)
20:00 – Платото пред Универзитет на Југо Источна Европа, Деструкција Ритам на Исмет Рамиќевиќ и музика од Сецко Хаџич
21:00 – КОНЦЕРТ / Камениот Мост, плоштад Филип Втори
DJ ЕLЕКТRОN
ТАМАРА ТОДЕВСКА
ИЛ ЛИМАНИ
ДАФИНА ЗЕЧИРИ-DAFFY&DJ GEEK
ЛУМИ Б-DJ FLOW
Третиот ден 18 септември (среда)

21:00 – КОНЦЕРТ / / Камениот Мост, плоштад Филип Втори
DJ PITTI
КАНИТА СУМА
ЛИНДОН БЕРИША
ЕЛВАНА ЏАТА

Новиот проект “Зајакнување на институционалните и технички капацитети за подобрување на транспарентноста за климатски промени во рамките на Договорот од Париз (CBIT проект)”,се спроведува преку соработката на Министерството за животна средина и просторно планирање со Програмата за развој на Обединетите нации.

Работилницата ќе се одржи н а 17 септември 2019г. во салата Платинум 1 на хотелот DoubleTree by Hilton, со почеток во 9:30ч. Целта на проектот е преку зајакнување на институционалните и техничките капацитети во државата да се поттикнат амбициозни климатски акции и да се исполни барањето за транспарентност според Договорот од Париз. Во рамките на заедничкиот проект на Министерството и на УНДП ќе се зајакнат капацитетите на клучните националните институции за следење, известување и верификација (МРВ) на климатски акции и подобрување на транспарентноста според побарувањата на Договорот од Париз.

 Исто така, ќе се развијат соодветни обуки и алатки кои ќе осигурат дека организациите и поединците ги имаат потребните основи за спроведување на активности на МРВ и за подобра транспарентност. Ќе се користи пристапот “learning by doing” со цел климатските промени да се вклучат во секторските политики и законодавство, не само во клучните сектори: снабдување со енергија, згради и транспорт, туку и во секторите земјоделство, шумарство и друга употреба на земјиште, заради нивната улога во адаптцијата кон климатските проемни и зголемениот интерес за овие сектори од страна на Владата.

 Дополнително, во тесна соработка со сите релевантни чинители, ќе се воспостават официјални процедури за собирање податоци, анализи и известување и ќе се развие интегриран и одржлив национален систем за МРВ на климатски акции. Заради организација на настанот потребно е да го потврдите вашето присуство на електронската адреса:[email protected]

Здружението за промовирање на електрични возила Електромобилност Скопје во рамки на глобалниот настан „Европска недела на мобилност“ во координација на Секторот за заштита на животната средина и природата при Град Скопје го организира настанот „Електромобилност 2.0 “ кој ќе се оддржи на 18 септември 2019 г. (среда) со почеток од 10 часот на паркингот веднаш до анекс просториите на Факултетот за електротехника и информациски технологии и Машинскиот факултет – Скопје.

Целта на овој настан е преку едукативни активности од страна на волонтерите од нашето Здружение и дел од учесниците, да се запознаат и едуцираат ученици од средни и основни училишта и останатите присутни за електричните и хибридни возила и нивното значење за општеството, заштита на животната средина и намалување на загадувањето.
На овогодинешниот настан ќе бидат изложени електрични и хибридни автомобили, електрични велосипеди, електрични скутери и тротинети, мали електрични возила, пoлначи за електрични возила, конвертирани електрични возила кои ќе им бидат презентирани на посетителите.

Воедно во рамки на овој настан предвидено е во просториите на Факултетот за електротехника и информациски технологии Скопје да се организира и панел дискусија на тема „Електромобилноста во нашата држава“. Овој дел од настанот ќе започне во 11.30 часот.

Почитувани љубители на новите технологии во мобилноста, Ве покануваме да ни се приклучите и да се дружиме а доколку некој поседува електрично или хибридно возило, Ве очекува да дојдете со него.

Изложувачи и поддржувачи на настанот:
ЕВН Македонија
Град Скопје
Прокредит Банка
Toyota Авто Центар
Фибернет МК
Хамачи
BB Classic Cars
ЈП Градски Паркинг

#Аплицирај на: https://skrati.mk/InclusiveMobility
#Краен рок за аплицирање: 13.09.2019, 12.00 часот
#Капацитет: 30 учесници

Колку често ги забележуваш останатите луѓе кои се движат околу тебе? Дали понекогаш разменуваш поглед со луѓето по патот и колку си свесен за твојата околина?

Начинот на движење на луѓето и различните пешачки патеки зборуваат многу за катактеристиките кои обликуваат едно општество. Велат дека тие се огледало на едно општество кое го претставува односот на жителите едни со други, а особено со лицата со некој вид на попреченост.

Добар дизајн на градови треба да поддржува пристапност за сите негови жители. Колку се активни граѓаните низ градот зборува за степенот на здравје, но и слобода која тие ја чувствуваат во градот. За дел од граѓаните, оние кои повеќе ги забележуваат пречките на улиците и пешачките премини, движењето низ градот не претставува слобода туку голема препрека.

Како може да имаме град кој ќе поттикне инклузивна мобилност, еднаква за сите негови жители? Дали и колку влијание има секој од нас за мобилноста и безбедноста во градот? Како до подобро планирање на градовите или трансформација на истите?

Дојдете да дискутираме на 18.09.2019 со почеток од 19:00 часот во просториите на Co&Work Hub.
За присуство на настанот, сите заинтересирани е потребно да пополнат апликациja на следниов линк: https://skrati.mk/InclusiveMobility ; најдоцна до 13.09.2019, 12:00 часот на пладне.

Повеќе за Salon типот на настани може да дознаете овде: https://skrati.mk/TEDxSalonevents
Настанот е независно организиран ТEDх настан и истиот е лиценциран од страна на TED. Повеќе детали во однос на партнер организациитe, експерт гостите и агендата на настанот ќе бидат дополнително објавени.

Официјалниот TEDxSkopjeSalon настан може да го погледнете на овој линк: https://www.ted.com/tedx/events/35761

Повеќе информации можете да најдете на:https: //www.nesta.org.uk/event/nesta-government-innovation-summit-2019/

Овој четврток [19.09.2019] од 19:00 на Рекорд дојдете на голема ВЕЛО ФИЕСТА!

Централното градско подрачје се затвара како предлог идеја за идна пешачка зона во центарот на градот и како промоција на културата на користење на одржливи форми на транспорт!

Настанот ќе биде проследен со голем број на интересни активности за најмладите, но и за возрасните. Најмладите ќе имаат можност да цртаат на самата улица, да скокаат на замок, да играат фудбал во големото фудбалско игралиште и да се забавуваат со нивните омилени супер херои! Исто така ќе може да се вклучат во различни игри како што се:
влечење со јаже, трчање со јајце во лажица, правење на замок од чаши, скокање на јаже, диско забава и други игри без граници.

За возрасните од 21:00 часот започнува музичка програма со DJ Marjan Mats Petrovski и најразлични игри како: џиновско пикадо, серва, рачно фудбалче и големо фудбалско игралиште.

Исто така со секоја одговорена анкета на тема: Рекорд – Пешачка зона?!, следува гратис кафе.

Оваа година, 2118 градови од над 50 држави низ Европа се приклучуваат кон активно одбележување на оваа недела, која се одржува под мотото: „Пешачи со нас“. Бидете дел од овој настан и поддржете ја кампањата за Европската Недела на Мобилност 2019г!

Европската недела на мобилност е европска иницијатива која ги поттикнува градовите да воведат и промовираат одржливи транспортни мерки и да ги покани луѓето да ги испробаат алтернативите за транспорт и мобилност низ градовите.

Во склоп на оваа недела се организира ДЕН БЕЗ АВТОМОБИЛИ – меѓународен настан кој има за цел да ги поттикне луѓето да се движат без автомобили, да користат одржлив транспорт и да ги промовира придобивките од безбедно одење и велосипедизам.

За таа цел е предвидено велосипедско дефиле со повеќе од 3500 учесници. Почетокот на дефилето ќе биде од паркот Ибни Пајко во 11:30 часот.

Рута на движење:

– Лево по ул.Филип II Македонски до бул.Гоце Делчев (се врти лево),
– Бул.Гоце Делчев (се врти десно) по бул.Партизански одреди,
– Бул.Гоце Делчев се врти лево и се продолжува по бул.ВМРО (се врти десно),
– Бул.Партизански одреди до бул.8ми Септември (се врти десно),
– Бул.8ми Септември се врти десно по бул.Илинден.

Дефилето завршува во Градскиот Парк – Школка, каде што е предвидено да се одржи музички хепенинг со DJ Mats.

Ве покануваме во петок на 20.09.2019 со почеток од 11:30 часот во паркот Ибни Пајко, заедно да учествуваме во овој настан!