Одржана втора работилница за редизајнирање на услугата за собирање кабаст отпад

На 1ви јули во просториите на Град Скопје, се одржа втората работилница за редизајнирање на услугата за собирање на кабаст отпад на ЈП Комунална Хигиена. 

Со веќе-формираната група на учесници од првата работилница, се доформулираа проблемите и причините за неправилното одлагање на отпадот и успешно се постигна консензус по однос на истите. Главниот фокус беше на мапирање на сите засегнати страни кои директно или индиректно придонесуваат за проблемот или помагаат во негово решавање, вклучувајќи донесувачи на одлуки и регулатива, потенцијални донатори, влијателни личности и медиуми итн.

Дополнително, се работеше и на мапирање на постоечки и потенцијални извори на податоци кои можат да помогнат во креирање ефективни решенија. 

Работилницата заврши со детален опис на главните засегнати страни односно нивното влијание на проблемот и проектот, типови на податоци кои ги генерираат и начин на кој податоците се користат за донесување одлуки, начин на ангажирање на актерот во процесот и сл. 

Третата работилница ќе се одржи на 9ти јули во просториите на Град Скопје а фокусот ќе биде на дизајнирање на потенцијални решенија.

Следете нѐ за да бидете во тек со прогресот и резултатите од процесот.

Повеќе за проектот може да прочитате овде: https://skrati.mk/KabastOtpad