Трета работилница за изнаоѓање на решенија за справувањето со проблемот со отпадот

На 17ти ноември, пeток од 13:30 до 17:30 часот во просториите на УНДП (Јордан Хаџи Константинов Џинот, 23) Скопје ќе се одржи третата од серијата пет работилници за изнаоѓање на решенија за справувањето со проблемот со отпадот (со фокус на фазите на селекција и одлагање (фрлање) на отпадот од домаќинствата).

За време на оваа трета работилница фокусот ќе биде даден на генерирање на идеи за адресирање на причините на проблемите кои беа идентификувани на претходните работилници.

И во третата работилница ќе продолжиме да работиме со ист профил на учесници, претставници на релевантните институции и сектори како што се: претставници од ромската заедница – неформални собирачи на отпад, граѓани, Град Скопје, ЈП Комунална Хигиена, Пакомак, Министерство за животна средина и просторно планирање, Министерство за труд и социјална политика, Агенција за храна и ветеринарство, Депонија Дрисла, граѓански организации, приватни компании кои работат на собирање отпад, како и индивидуални граѓани кои се заинтересирани активно да се вклучат во изнаоѓање на решението за овој битен предизвик на нашето општество.

Очекувани резултати од оваа работилница се: 

  • Генерирање на голем број на идеи
  • Приоретизација на идеите
  • Иницијален развој на приоритизираните идеи во потенцијални решенија

Работилницата е отворена и за граѓани па доколку имате интерес да се вклучите пријавете интерес за учество најдоцна до 16ти ноември на  [email protected]

Повеќе информации за проектот може да најдете овде.

Втора работилница за изнаоѓање на решенија за справувањето со проблемот со отпадот

На 13ти ноември, понеделник од 15:00 до 19:00 часот во просториите на УНДП (Јордан Хаџи Константинов Џинот, 23) Скопје ќе се одржи втората од серија пет работилници за изнаоѓање на решенија за справувањето со проблемот со отпадот (со фокус на фазите на селекција и одлагање (фрлање) на отпадот од домаќинствата).

За време на оваa втора работилница ќе се презентираат заклучоците од првата работилница која беше посветена на сумирање и категоризација на податоците од истражувањето и на идентификување интересни сознанија за навиките, потребите и проблемите на граѓаните во процесот на управување со отпадот. 

Согласно тоа, фокусот на работа на оваа втора работилница ќе биде насочен кон артикулирање на причините за  идентификувани предизвици на граѓаните кои понатаму ќе послужат како основа за изнаоѓање на решенијата за истите.

И на оваа работилница ќе продолжиме да работиме со ист профил на учесници, претставници на релевантните институции и сектори како што се: претставници од ромската заедница – неформални собирачи на отпад, граѓани, Град Скопје, ЈП Комунална Хигиена, Пакомак, Министерство за животна средина и просторно планирање, Министерство за труд и социјална политика, Агенција за храна и ветеринарство, Депонија Дрисла, граѓански организации, приватни компании кои работат на собирање отпад, како и индивидуални граѓани кои се заинтересирани активно да се вклучат во изнаоѓање на решението за овој битен предизвик на нашето општество.

Очекувани резултати од оваа работилница се:
Идентификувани причините за посочените предизвици; идентификувана взаемна поврзаност (причини-последици) на причините и предизвиците; дефинирани идеи кои ќе допринесат за надминување на предизвиците; поставување на солидна основа за приоретизирање на идеи и разработка на решенијата за работилниците кои ќе следат.

Работилницата е отворена и за граѓани па доколку имате интерес да се вклучите пријавете интерес за учество најдоцна до 10ти ноември на [email protected]

Повеќе информации за проектот може да најдете овде.

 

Прва работилница за изнаоѓање на решенија за справувањето со проблемот со отпадот

На 27ми Октомври, петок од 09:00 до 13:00 часот во просториите на УНДП, Скопје ќе се одржи првата од вкупно петте планирани работилници посветени на изнаоѓање на решенија за  справувањето со проблемот со отпадот (со фокус на фазите на одлагање (фрлање) и собирање на отпадот од домаќинствата).

Овие 5 работилници се реализираат во рамки на проектот на Скопје Лаб (подржан од УНДП и град Скопје) за дизајнирање и тестирање на иновативни решенија за подобрување на состојбата со отпадот (со фокус на фазите на селекција и одлагање (фрлање) на отпадот од домаќинствата) и тестирање на едно решение кое ќе произлезе во процесот.

Целта на оваа прва работилница е да се презентираат податоците од теренското истражување кое беше спроведено со собирачите на отпад и домаќинствата од Скопје, и да се работи на сумирање и категоризација на податоците со цел да се дојде до интересни сознанија кои ќе го посочат правецот во кој треба да се размислува при дизајнирање на идните решенија во текот на следните 4 работилници. На крај ќе се разгледаат некои првични идеи за дизајнирање на системско решение за решавање на проблемот.

На оваа прва работилница, ќе учествуваат претставници од ромската заедница – неформални собирачи на отпад,  граѓани, Град Скопје, ЈП Комунална Хигиена, Пакомак, Министерство за животна средина и просторно планирање,  Министерство за труд и социјална политика, Агенција за храна и ветеринарство, Депонија Дрисла, граѓански организации и неколку приватни компании кои работат на собирање отпад вклучувајќи го и електронскиот отпад.

Работилницта е отворена и за граѓани па доколку имате интерес да се вклучите пријавете интерес за учество најдоцна до среда, 25 октомври на [email protected]

Повеќе информации за проектот може да најдете овде.

. 

Првиот TEDxSkopjeSalon – Каква е иднината на транспортот?

Зголемената популација во големите градови е еден од предизвиците на процесите на планирање и управување на градовите. Несомнено, еден од најзначајните предизвиците во таканаречените “мега градови” е транспортот, предизвик кој придонесува до значителни штети кои водат кон здравствени проблеми и недостаток на економски развој.

Дополнително, во последните години, во Македонија се забележува раст во потрошувачката енергија од транспорт, од 24% во 2012 на 32,5% во 2015 година, од кој најдоминантен е патниот сообраќај со 97% вклученост. Ова резултира со високи емисии на стакленички гасови, од кои дури 99% се настанати од транспортниот сектор.

Денешниот развој на информациски и комуникациски технологии дава можности за развивање на одржливи и ефикасни решенија. Сепак, и во ваква ситуација решенијата навидум отсуствуваат. Преминот на општеството кон употреба на поефикасни иновативни технологии и обновливи извори на енергија ги вклучува сите.

Токму затоа на 20.09.2018, со почеток од 19:00ч во просториите на “CO&WORK” се организира првиот TEDxSkopjeSalon за оваа сезона под тема “Иднината на транспортот”, настан посветен на иновациите во транспортот, со дискусија за патот кон одржливоста и ефикасноста преку имплементација на нови технологии и методи.

Дел од прашањата на кои како што велат организаторите ќе се дискутира инволвираат: што можат градовите, луѓето, властите и организациите да направат за нова фундаментална промена во гледање на транспорот и мобилноста, како и за кои се последиците на оваа промена и кон кои цели се стремиме за нејзино постигнување.

За присуство на настанот, сите заинтересирани е потребно да пополнат апликационен формулар на следниов линк: goo.gl/bgW7h3; најдоцна до 17.09.2018, 18:00 часот.

Повеќе за настанот може да дознаете на следниов линк.

Ова е всушност првиот од новата серија TEDxSkopjeSalon настани кои после досегашните успешни 22 настани се ребрендира во TEDxSkopje. СкопјеЛаб – Центарот за иновации на Град Скопје уште од самиот почеток е еден од поддржувачите на оваа иницијатива која веќе некое време се обидува да ја раздвижи скопската мисла!

За крај, бидете одговорни, забавни и иновативни во вашиот транспорт, макар и секојдневен!

Европска недела на мобилност 2018 – Комбинирај и движи се

Сакаме различна храна, мода, музика - па зошто кога станува збор за транспорт толку многу се држиме до еден модус?

Оваа година EUROPEANMOBILITYWEEK нè поттикнува да истражиме различни опции за движење од место А до место Б, и да размислиме за начинот кој најмногу одговара на нашето конкретно патување. Затоа се фокусираме на "мултимодалност" - комбинирање на транспортни режими во исто патување или за различни патувања.

Оваа година, зошто да не ги испробате различните начини на транспорт: одете со велосипед до салата за вежбање и порано започнете со согорување на калории, земете го Вашиот велосипед во автобус да ги избегнете сообраќајните гужви, избегнете плаќање на паркинг кога одите во шопинг – одете со автобус и потоа да прошетајте до продавниците!

Превземено од: Европска недела на мобилност/Министерство за животна средина и просторно планирање

Со мудро одбирање на начинот на секојдневен транспорт, го заштедуваме домашниот буџет, го подобруваме нашето здравје, воедно ја заштитуваме животната средина и го намалуваме загадувањето од транспортот.

Каде ќе се приклучите и ќе го дадете својот придонес?

Започна процесот на мапирање на урбаните топлотни острови во Скопје

Искористување на новата технологија  за добивање на квалитетни микро податоци и нивна визуелизација дава можност на градовите поефективно и поекономично да дојдат до информации кои ќе обезбедат донесување на квалитетни и информирани одлуки.  Овој пристап истовремено овозможува градовите на едноставен и сликовен начин да ги информираат граѓаните за моменталните состојби и заедно потикнат интерес и акции за нивно ублажување.

Градот Скопје, како и други урбани средини има ефекти на затоплување заради густата урбана средина, бетон, асфалт и потрошувачи на енергијата кои се воедно и генератори на топлина. Температурите во градот се поголеми отколу во средини надвор од градот. За повисоки температури придонесува и збиената структура на објектите, која оневозможува проток на воздушната маса, како и асфалтот, издувните гасови од возила и индустријата, темни фасади.

За потребите на анализата на влијанието на урбаните елементи врз климата и температурата на околината, Град Скопје заедно со УНДП во рамки на проектот „ИКТ за урбана отпорност“ започна со процесот на мапирање на урбаните топлотни острови.

Денес, 24ти Август 2018, од спортскиот Аеродром Стенковец започна снимањето со термална камера со рута во должина од 375км која се изведува со воздухоплов тип Cessna 172.

 

Неколку причини заради кои се јавуваат урбани топлотни острови се:

  • Темни површини од патиштата и зградите. Бетонот и асфалтот имаат различни термални својства од вонградските површини.
  • Недостиг на евапотранспирација, т.е испарувања преку вегетација во урбаните места. Со намалена количина на вегетација, градовите немаат сенки и немаат разладувачки ефект преку дрвјата како и непостоење на можност за отстранување на јаглерод диоксид.
  • Геометриски ефекти. Високите згради имаат повеќе површини за рефлексија и абсорпција на сончевите зраци, со што се зголемува затоплувањето на урбаните простори. Ова се нарекува урбан кањон ефект.
  • Зградите го блокираат ветерот, со што се намалува разладувањето и се спречува разредувањето на загаденоста.
  • Нефункционалната топлината од автомобилите, клима уредите и индустријата, исто така придонесува за зголемување на урбани топлотни острови.
  • Високо ниво на загадување во урбаните простори исто така го зголемува ефектот на UHI.
  • Температурата се зголемува и со концентрација на озон, кој е во улога на стакленички гас.

 

Ваквите урбани топлотни острови директно или индиректно влијание врз:

Влијание врз животинскиот свет

  • Инсектите имаат зголемена толеранција за топлина.
  • Рибнот свет во потоците и реките претпува стрес од затоплени води.
  • Измена на процесот на природната селекција.

Секундарни ефекти врз локална метеорологија

  • Измена на локални ветрови, развој на облаци и магла, зголемување на фреквенција на дождови.

Здравствени ефекти

  • Урбани топлотни острови имаат потенцијал за директно влијание врз здравјето и добросостојбата на граѓаните. Постои зголемена смртност заради прекумерна жештина. Се зголемува траењето на топлотните бранови во градовите.

Зголемена употреба на енергија

  • Се зголемува енергија за климатизација и фрижидери. Можно е да се направат пресметки за заштеда на средства за имплементрација на редукција на урбани топлотни острови.

 

Ублажување на последниците од урбани топлотни острови

Бели фасади и кровови

Со бели или светли фасади и кровови, се намалува абсорпција на топлина.

Зелени кровови

Зелените покриви намалуваат креирање на урбани топлутни острови, и даваат можност за развој на вегетацијата и животинскиот свет во урбаните средини. На овој начин вештачките површини се вклопуваат во природата.

Засадување на дрвја и вегетација во градовите

Дрвјата помагаат на повеќе начини за намалувањето на температурите во градот:

  • Евапотраспирација предизвикува ладење
  • Намалување на јаглерод диоксид во атмосферата
  • Сенка

Зелени паркинзи и тротоари (Cool Pavements)

  • Рефлектираат сончеви зраци
  • Зголемуваат испарувања на водата. Бидејќи покриеност со асфалт може да достигне и 30–45% од употреба на земјиштето во градовите, асфалтот игра важна улога во намалувањето на урбаните топлотни острови.

Предизвик – Редизајн на јавни зелени површини

Учествувајте активно во озеленувањето на Скопје со Скопје Лаб. Центарот на иновации на Град Скопје ве повикува заедно да го направиме Скопје поубав град за живеење со културна и здрава животна средина.

Тимот Скопје Лаб почна да работи на иницијатива за дизајнирање на зелени јавни површини/паркови, кои потоа Град Скопје ќе ги ревитализира и озелени (без поплочување или градење), но и ќе се обиде да ги „оживее“ приказните од минатото на тие површини.

Ова иницијатива дојде на предлог од наш граѓанин кој имаше мапирано  20тина локации во градот на кои му треба ревитализација. Во оваа фаза ќе опфатиме 12 локации по што ќе се помине на следна фаза односно дизајнирање и уредување на останатите.

Со цел уредување и озеленување на овие површини согласно ваши потреби би сакале да ги слушнеме вашите идеи но и приказните кои ги знаете за една или повеќе од нив.

Предвидени локации во оваа фаза:

  1. Зелен простор позади Три Бисери кај Авицена лабораторија.
  2. Зелениот простор спроти Рамстор на бул. Јане Сандански
  3. Зелен простор до Палма Аеродром
  4. Зелен простор спроти Сити Мол – кај што минува последна 19ка
  5. Зелен простор до Пожарна кај Веро
  6. Зелен простор позади поликлиника Идадија
  7. Зелен простор кај Фурна 1 што води накај Мин. За Економија
  8. Зелен простор кај Мартиновски пред мостот кај Кале
  9. Зелен простор до мост Мајка Тереза што води накај Холидеј ИН
  10. Зелен простор до ЦРМ накај мост Мајка Тереза
  11. Зелен простор спроти СП Планет пред КАМ маркет
  12. Зелениот простор спроти ЗОО “Скопје”

Сите локации се претставени на апликацијата StoryMap (https://arcg.is/1SznDr) каде може да ги погледнете, да се инспирирате или да ги посетите ако живеете во нивна близина, и потоа да помогнете со ваша идеја за просторот. Линкот го има дадено и во самиот прашалник.

Доколку сакате да помогнете во оваа иницијатива Ве молиме одговорете го следниот прашалник каде може да го дадете вашиот предлог за еднa или две од предложените локации – Линк до прашалник.

Доколку имате идеи и предлози за повеќе од две од предложените локации ве молиме директно доставете ги вашите предлози на [email protected]. Вашиот предлог може да е во вид на слика, цртеж, дизајн, или едноставно предлог идеја за што се е потребно за просторот да се оживее и ги задоволи потребите на граѓаните.

Доколку иницијативата покаже успех континуирано ќе се работи на мапирање и дизајнирање на нови јавни површини во Скопје кои може да се уредат согласно потребите на граѓаните.

Се надеваме на вашата помош заеднички да го разубавиме нашиот град!

СкопјеЛаб дел од семинарот „Иновативно брендирање на градовите“

Во Музејот на современа уметност вчера и денеска (05 и 06.07.2018 година) се одржа семинарот „Иновативно брендирање на градовите“ – Градење и комуницирање на компетитивни локални идентитети.

Семинарот е во организација на „Лабораторија за урбано живеење“ (Urban living lab) и се организира во рамките на европскиот проект РОК – регенерација и оптимизација на културното наследство во креативните градови (ROCK) финансиран од Европската програма за истражување и иновации Хоризонт 2020.

Проектот „РОК“ се фокусира на историските центри во градовите кои ќе ги користи како „теренски лаборатории” на културното наследство и да покаже како тоа може да биде уникатен и моќен двигател на возобновување, одржлив развој и економски раст за целиот град. Во овој проект учествуваат 36 партнери од 13 земји.

Градоначалникот Шилегов го отвори семинарот и во воведната сесија ги претстави неговите визии во која насока го гледа Скопје.

На овој иновативен семинар, експертот Мигуел Ривас од меѓународната консултантска компанија ТАСО го претстави концептот на менаџирање на иновативен начин на брендирање на градовите и тоа не само од перспектива на комерцијални маркетинг практики туку и преку интегриран пристап на урбан развој.

Главната цел на овој семинар беше да потенцира дека брендирањето на градот е основа за нов начин на промоција и развој на градовите. Истовремено, овој семинар претставува прв чекор од процесот на брендирање на Град Скопје. Процес во кој Градот Скопје ќе работи со сите засегнати страни со цел креирање на заедничка приказна како основа за брендирање на главниот град. Во оваа фаза, Градот Скопје ги повикува сите засегнати страни со свои предлози да учествуваат во креирањето на новата приказна.

На семинарот учествуваа претставници од градската администрација, агенцијата за промоција на туризмот, јавните претпријатија, културните институции, архитекти, урбанисти, туристички работници и графички дизајнери.

Град Скопје и УНДП заедно во справувањето со климатските промени

Градоначалникот Шилегов и Луиза Винтон, Постојан претставник на УНДП во Македонија, денеска го потпишаа договорот за соработка помеѓу Град Скопје и Програмата за развој на Обединетите нации (УНДП) за реализација на проектот „Отпорно Скопје: поголема одржливост и иновации за справување со климатските промени”.

Со овој договор е предвидено продолжување на соработката во рамките на проектот „Отпорно Скопје: поголема одржливост и иновации за справување со климатските промени”, и притоа е предвидена реализација на голем број активности од областа на заштитата на животната средина, особено заштитата од климатските промени и зголемување на отпорноста на Скопје, но и активности за воведување иновативни пристапи во секојдневната работа и поефикасни услуги за своите граѓани.

Со потпишувањето на овој договор Градот Скопје се обврзува да обезбеди подобра животна средина, да ја штитиме природата и биодиверзитетот во градот и во околината, да ги подобриме условите за живот, да преземеме активности за справување со климатските промени и да ги вклучуваме граѓаните во носењето на одлуките и следејќи ги нивните потреби да обезбедиме подобар живот за сите – кажа Шилегов.

Градоначалникот Шилегов додаде дека дел од определбите на овој договор се преземање на конкретни активности за подобрување на квалитетот на воздухот и водата, но и зафати за подобрување на зеленилото во Градот.

Длабоко сме свесни за значењето на зеленилото од сите аспекти, ги предвидуваме сите потребни мерки за негова заштита. Наша цел е преку интензивно зазеленување на делови од градот да го надоместиме изгубеното зеленило, како и на дополнување на оние локации каде што истото постои. Оваа година Градот Скопје има предвидено засадување на 10.000 нови висококвалитетни листопадни, како и над 2.000 зимзелени садници на територијата на Скопје. Дополнително, преземаме конкретни активности за изградба на зелен кров во Градскиот трговски центар, се надевам дека до крајот на оваа година ќе ги завршиме сите административни процедури и од наредната година би почнала неговата реализација – додаде Шилегов.

Постојаниот претставник на УНДП во Македонија Витон изјави дека со овој договор се продолжува и интензивира соработката со Градот Скопје, која изминативе неколку години резултира со изработката на поголем број студии, стратегии, како и отворањето на Центар за иновации на Град Скопје „Скопје Лаб“.

Потпишувањето на овој договор е продолжување на едно многу продуктивно партнерство кое го имаме со Градот Скопје. Со овој договор нашата соработка се продолжува за период од 18 месеци, а истиот е во вредност од 720.000 долари. Активностите на овој проект ќе се одвиваат во две насоки, првата е подобрување на еколошката одржливост на градот, каде што ќе продолжиме да работиме на научни истражувања, а резултатите од овие научни истражувања ќе ги имплементираме преку реализација на пилот-проекти – кажа Витон.

Покана од градоначалникот на Град Скопје, г-дин. Петре Шилегов

Градоначалникот на Град Скопје, Петре Шилегов, го претставува Центарот за иновации на Град Скопје – СкопјеЛаб и Ве поканува Вас граѓаните, заедно да ги дефинираме потребите и да ги насочиме инвестициите кон подобри заедничките решенија.

Да ги отвориме вратите за вашите идеи, таленти и вештини и заедно да одлучуваме како ќе расте и ќе се развива нашиот град. Сакаме да ни помогнете, да го искористиме развојот на технологијата за да го подобриме квалитетот на живот на сите жители на Скопје.

Овој Центар е еден важен чекор кон заедничка визија за нашето Скопје и затоа ве поканувам: Повелете, посетете не, дојдете да поразговараме за вашите предлози и решенија.

 

Co-designing the cities of the future, impressions from the Cities2050 conference

“Innovation in the public sector is a trending new wave, one which brings us closer to co-creating with citizens and events such as these are a wonderful opportunity to look at the future of cities, to go beyond several years of planning and engage in meaningful conversations on how to develop strategies and solutions that will best fit the needs of the future citizen.” said Mr. Krzysztof Żuk, Mayor of Lublin as he opened the Miasta 2050 — Cities of the Future conference.

A New Approach to Governance is being tested in the City of Skopje through a User-Centered Design & Innovation Lab

At a time when many countries are facing economic difficulties, government institutions have to look for new ways to sustain and improve public services with fewer resources, while also addressing growing environmental challenges.

To achieve such a challenging endeavor, a number of local governments are giving citizens more decision-making powers to influence and shape the public services they use while encouraging its people to take on a wider variety of responsibilities.

Работна средба на тимот на СкопјеЛаб

На 13 април од 14 до 16:30 часот во просториите на Град Скопје тимот на СкопјеЛаб одржа работна средба на која беа претставени новите членови од јавната администрација кои се приклучија на тимот, планот и активностите за следниот период и краток осврт беше даден на реализираните активности и проекти до сега.

Планот на активности на СкопјеЛаб за оваа година беше неодамна финализиран во соработка со раководството на градот, и целта е истиот да допринесе кон подобрување на комуникацијата и соработката со граѓаните и бизнисите, нивно вклучување како активни чинители во процесот на дизајнирање и креирање на услуги/проекти, а воедно и зајакнување на капацитетите на јавната администрација во градот за иновации, нивно поттикнување и развој.

Моменталниот тим на СкопјеЛаб се состои од 15тина членови од јавната администрација на Град Скопје кои доаѓаат од различни сектори, 3 клучни членови и неколку надворешни експерти.