Презентација на концепти за редизајнирање на јавни површини во Скопје

Град Скопје и Центарот за иновации на Град Скопје – Скопје Лаб ве покануваат да присуствувате на презентацијата на концептите за редизајнирање на 3 јавни површини во Скопје кои се резултат на работилниците за редизјанирање на јавен простор кои се оддржаа во периодот 14 – 22 декември 2019 година.

  • Датум: 21.01.2019
  • Локација: Сала на совет на Град Скопје
  • Време: 14 часот

Иницијативата и целиот процес на реализација беше организиран од страна на Скопје Лаб, додека фасилитацијата и менторирањето на тимовите беше реализирано од страна на 4ца млади професионалци:

  • Сара Симоска – М-р. Архитект
  • Владимир Ѓорѓиевски – Дипл. Електро инжињер во полето на Енергетска Ефикасност
  • Никола Ѓорѓиевски – Дипл.Инж. Архитект и Дипл.Пејсажен Арх.
  • Ирена Милојеска – М-р Архитект

На работилниците присуствуваа вкупно 17 млади лица  – студенти и ученици кои беа избрани по пат на јавен повик.

Повеќе за иницијативата и работилниците може да најдете овде https://www.skopjelab.mk/rabotilnitsi-redizajn-na-javni-povrshini-vo-skopje/ .

Во склоп на настанот ќе се презентира на кратко и за она што беше опфатено и сработено во првата фаза од иницијативата во која беа опфатени 7 јавни површини во Скопје.

Работилници: Редизајн на јавни површини во Скопје

Скопје во изминатите години почна да ги губи последните зелени јавни површини како резултат на брзиот и неизбежен раст на градот. Како да ги препознаеме деловите од градот каде треба да дадеме нова енергија со активно вклучување на локалното население и заинтересираните граѓани?

Доколку ве засега прашањето погоре и сакате да придонесете за вашиот град, пријавете се на четири дневна работилница за редизајн на три јавни површини во Скопје кои имаат огромен потенцијал да направат промена, но се во незавидни услови.

Работилницата ќе се оддржи во викендите: 14 – 15ти и 21 – 22ри декември, со вклучување на 15 учесници кои ќе работат во 3 групи, секоја група по 1 локација.

Идентификуваните локации на кои ќе се работи се: Парк Форум, Двор студентски дом Гоце Делчев и Плоштад Балет.

Како резултат ќе се изработат 3 концепт дизајн проекти за овие простори кои ќе бидат водилка за нивно идно уредување од страна на градот Скопје.

Пријавете се со пополнување на следната форма: https://forms.gle/oooomxu3DQ9uvXUR8

Работилницата ќе биде водена од 4 ментори, тројца архитекти: Сара Симоска, Никола Ѓорѓиевски и Ирена Милојеска и еден електроинжењер, во полето на енергетска ефикасност, Владимир Ѓоргиевски.

Сите учесници ќе добијат искуство за:

  • Спроведување локално истражување
  • Уредување на јавен простор
  • Дизајнирање на урбана опрема
  • Сертификат за учеството

Учесниците може да бидат:

  • Студенти по архитектура
  • Архитекти
  • Заинтересирани граѓани од било кое занимање кои сакаат да придонесат во процесот

Присуството е задолжително на сите денови од работилницата (во просек 5 часа на ден).
Задолжително е носење на свој личен лаптоп за потребите на проектот. Работилницата е бесплатна.

Ментори

Сара Симоска е Архитект и основач на МЕЛЕЕМ Скопје. Главен организатор и иницијатор на сите активности од МЕЛЕЕМ. Победник на интернацинални архитектонски конкурси во Италија, Русија, Србија и Словенија. Со МЕЛЕЕМ имаат реализирано урбани интервенции во Прилеп, Тетово, Скопје и Белград кои што го имаат променето градот со активно вклучување на локалните жители.

Никола Ѓорѓиевски е архитект, пејзажен архитект и урбанист. Дипломирал и магистрирал на Архитектонскиот Факултет во Скопје – УКИМ (2015), а понатаму магистрирал и во областа на пејзажната архитектура во Осло, Норвешка. Автор и коавтор е на повеќе архитектонски текстови и публикации добитник е на интернационални награди и признанија од областа на архитектурата.

Ирена Милојеска е магистер по архитектура на Архитектонскиот факултет при УКИМ. Активен член е на организацијата ЕАСА – ЈАТО, Скопје која е дел од интернационалната мрежа за студенти по архитектура од цела Европа. Во текот на нејзините студии била учесник на повеќе домашни и интернационални натпревари, работилници, конкурси и изложби . По завршувањето на студиите, станува дел од организацискиот тим на Интермедијалната Конференција за Национални Контакти и студенти по архитектура, која што за прв пат се случи во Македонија, во Октомври 2019 во село Трпејца.

Владимир Ѓоргиевски е демонстратор и истражувач на Факултетот за електротехника и информациски технологии при Универзитет Св. „Кирил и Методиј“, Скопје, Северна Македонија. Негов интерес се енергетското моделирање, интеграцијата на енергетски сектори, системите за складирање на енергија и енергетската флексибилност на згради. Своето истражување го објавил на меѓународни и домашни списанија и конференции. Бил дел од основачкото тело на Здружението за промоција на енергетската ефикасност и одржливиот развој СКЕЕОР.

Активноста е организирана од Скопје Лаб – Центар за иновации на Град Скопје со поддршка од MELEEM Skopje и ќе се одржува во Скопската жива градска лабораторија (Skopje Urban Living Lab) во Старата скопска чаршија.

Изработени 6 предлог концепти за редизајн на зелени јавни површини во Скопје

Тимот на Центарот за иновации на град Скопје (Скопје Лаб) во изминатиот период работеше на иницијативата за редизајнирање на зелени јавни површини/паркови преку која градот Скопје ќе уреди 6 зелени површни кои досега не беа доволно искористени, а за да обезбеди подобар јавен простор за релаксација, одмор и дружење за граѓаните, а воедно и да помогне во разубавување на градот.

Повеќе за самата иницијатива може да најдете овде.

Ова фаза ќе опфати уредување на 6 јавни зелени површини но се очекува оваа иницијатива да продолжи и понатаму со оглед на заинтересираноста на граѓаните како и на останатите јавни, приватни и граѓански организации да помогнат во уредување на ваквите површини.

Пред да се помине на уредување, Градот сака уште еднаш да го слушне мислењето на граѓаните за 6те концепти кои беа изработени врз основа на добиените одговори во процесот на теренско и онлајн истражување кое се спроведе во периодот Август – Септември 2018 год.

Подолу ви ги претставуваме концептите за 6те локации за кои се планира да распише јавна набавка во текот на месец јуни.

Сите ваши мислења и коментари во поглед на концептите слободно доставете ги [email protected], најкасно до 30 мај со цел да може да се направи ревизија на концептите пред распишувањето на јавната набавка.

1. ПРОСТОР СПРОТИ РАМСТОР/СТОПАНСКА БАНКА НА БУЛ.“ЈАНЕ САНДАНСКИ“, ДО АВТОБУСКА ПОСТОЈКА

Оваа зелена површина во Општина Аеродром се наоѓа веднаш до главниот булевар "Јане Сандански", еден од најпрометните булевари во градот, спроти маркетот Рамстор и филијалата на Стопанска Банка.

Областа се карактеризира претежно со згради, не многу слободни и зелени површини помеѓу градежните блокови. Во околината се наоѓаат неколку компании, банки, неколку барови и ресторани. Луѓето кои живеат тука се претежно семејни луѓе со деца тинерјџери, студенти и пензионери. Неколку метри погоре на оваа страна на улицата каде што е зелената површина се наоѓа и автобуска постојка која често се користи, особено од учениците и повозрасните.

Она што повеќето граѓани сметаат дека треба да обезбеди оваа површина е следново:

  • Простор што ќе обезбеди услови граѓаните да се релаксираат и уживаат во зеленилото, можеби со добра книга, и покрај тоа што сте наоѓаат до бучен и прометен булевар
  • Простор за дружење со своите соседи и пријатели, за разговор и забава
  • Простор за уживање за време на работниот одмор со добро кафе
  • Простор што ќе им понуди на патниците кои ја користат автобуската станица интересна содржина додека чекаат, а воедно и ќе бидат во тек со последните патни информации (време на доаѓање на автобус, број на линии и слично)

Локацијата треба да понуди основни содржини како:

  • Цвеќиња за да го разубават просторот во зелениот дел
  • Големи клупи за одмор – уметничко дизајнирани
  • Мала чешма за вода
  • Мали корпи за селекција на отпад
  • Осветлување
  • Интересни маси за шах и табла, со покреативен дизајн (не бетонски)
  • Високостеблесто дрво од овошен вид

Дополнително:

  • Паметни клупи (кои располагаат со приклучоци за полнење мобилни уреди, безжичен интернет, ноќно осветлување, и дополнително други корисни елементи како сензори за собирање и анализа на различни податоци)
  • Креативна уметничка поставка
  • Разубавување на автобуска постојка – креативна уметничка постојка со Wi-Fi / Hot Spot
  • Улична библиотека во склоп на автобуската постојка или одделно

2. ЗЕЛЕН ПРОСТОР КАЈ МАРТИНОВСКИ ПОД КАЛЕ

Оваа зелена површина во општина Центар се наоѓа веднаш до главниот булевар "Гоце Делчев", еден од најпрометните булевари во градот, под Калето.

Како централно градско подрачје, околу просторот се движат различни луѓе од различни возрасни групи.Туриститекои одат во посета на Старата скопска чаршија или Калето, студенти со оглед на близината на факултетите, граѓаните кои чекаат превоз (автобус или такси), луѓето кои работат во блиските јавни/приватни институции, итн.

Веднаш до оваа површина се наоѓа автобуска постојка но околу истата нема место за седење додека се чека, ниту чешма за вода која особено е важна во летниот период кога температурите на булеварите во градот достигнуваат речиси 40 степени.

Во близина на локацијата се наоѓа куќата на најавтентичниот сликар на македонскиот пејзаж Лазар Личеноски која дава едно убаво културно обележје на просторот.

Oна што се очекува е овој простор да обезбеди е следново:

  • Простор кој ќе ги задоволи потребите на патниците кои чекаат превоз на локацијата
  • Простор кој ќе помогне да се подигне свеста за животната средина
  • Простор што ќе ја поттикне креативноста и промовира културата

Локацијата треба да ги понуди следните основни содржини:

  • Цвеќиња за да го разубават просторот
  • Растенија/дрвја што помагаат во прочистување на воздухот и/илиа воедно и ќе обезбедат одделување на просторот од кривината и булеварот (можби високистеблени автохтони растенија и автохтони цвеќиња)
  • Мала чешма за вода
  • Осветлување
  • Мали корпи за отпад

Дополнително:

  • Креативно-уметничка автобуска постојка со културни еколошки пораки или дизајни
  • Арт клупи (еко пораки) за патниците кои чекаат превоз тука
  • Еко уметност/музичка инсталација (поставка во простор на креативни канти за отпадоци)
  • Инсталација на пријатна музика во простор или мала бина за улични уметници (дрво по можност)

3. ПАРК ПРЕД ПОЛИКЛИНИКА ИДАДИЈА ДО ВЕРО МАРКЕТ

Оваа површина се наоѓа веднаш до поликлиниката Идадија, маркет Веро, отспротива на АМСМ. Најголем број луѓе кои се движат овде се лица кои ја посетуваат поликлиниката, локалните жители, луѓе кои работат во овој дел во локалните компании, угостителски објекти и друго.

Иако на просторот има постоечки парк, заради големиот број на возила кои паркираат овде паркот е речиси уништен. Задниот дел на болницата исто располага со една зелена површина која не е доволно искористена, а може да обезбеди убав простор за релаксација особено за најмладите.

Согласно испитаниците, она што треба да обезбеди оваа површина е следново:

  • Простор за уживање во работниот одмор
  • Простор кој ќе обезбеди забава за најмладите кои живеат во овој дел и нивните родители
  • Простор за одмор за посетителите на болницата

Локацијата треба да ги понуди следните основни содржини:

  • Креативни клупи и масички воедно комотни за пациентите во поликлиниката
  • Природна зелена ограда на паркчето за заштита од автомобили
  • Мали корпи за отпад
  • Фонтана за вода
  • Цвеќиња за збогатување на просторот/растенија/дрвја што помагаат во чистењето на воздухот

Дополнително:

  • Елементи за играње кои будат креативност кај децата во спроведување на моторичка активност и креативност во логична и умствена активност и сл.
  • Креативни мурали на дел од ѕидовите на болницата за разубавување на просторот

4. ПАРК ПРЕД МИНИСТЕРСТВО ЗА ЕКОНОМИЈА ДО ГРАДСКА КАФАНА ФУРНА

Оваа зелена површина во општина Карпош се наоѓа веднаш до главниот булевар „МетрополитТеодосиј Гологанов“, еден од најпрометните булевари во градот, спроти Министерство за Економија и веднаш до кафаната Фурна.

Како централно градско подрачје овој дел се карактеризира со објекти каде се сместени многу компании, јавни институции, кафе - барови и ресторани.

Овде претежно живеат постари луѓе и брачни парови со деца. Но, заради постоењето на многу приватни и јавни институции, оваа област во текот на денот е посетувана и од луѓе кои работат во овие институции или пристигнуваат за да остварат одредена услуга.

И покрај фактот дека овој парк е една од најголемите зелени површини во овој дел од градот, истиот е недоволно искористен, најмногу поради тоа што не обезбедува искуства за луѓето кои би го посетувале, ниту пак располага со урбана опрема која ќе им овозможи на луѓето простор каде можат да дојдат да се релаксираат или дружат. Поради ова, локалните жители обично седат на клупата на тротоарот преку улицата каде што има повеќе сенка и чешма за вода.

Со цел да се заживее просторот она што треба да обезбеди оваа површина е следново:

  • Простор што ќе обезбеди услови граѓаните да се релаксираат и уживаат во зеленилото, можеби со добра книга, и покрај тоа што сте наоѓаат до бучен и прометен булевар
  • Простор за дружење со своите соседи и пријатели во природна средина
  • Простор за уживање во работниот одмор

Локацијата треба да ги понуди следните основни содржини:

  • Цвеќиња за збогатување на просторот - цвеќе во различни бои или различни форми на цветни дизајни, алеја на цвеќиња
  • Повеќе дрвја да се обезбеди сенка и прочистување на воздухот (високистеблени автохтони растенија и автохтони цвеќиња и/или високостеблести овошни дрвја)
  • Креативни големи клупи за одмор
  • Осветлување
  • Мала чешма за вода
  • Мала уметничка фонтана за разладување од природен материјал
  • Мали корпи за селекција на отпад

Дополнително: 

  • Улична библиотека
  • 1-2 креативни арт инсталации
  • Елементи за организирање на работилници на отворено или за читање (кои се поставуваат по потреба)
  • Природна патека за пешачење (резанки од дрвја или камења)
  • Природна зелена ограда од страната на булеварот за да се намали сообраќајната бучава

 

5. ПОТЕГОТ ПОКРАЈ БУЛЕВАРОТ „ КУЗМАН ЈОСИФОВСКИ –ПИТУ“, ОД НБРМ ДО МОСТ НА РЕКА ВАРДАР „МАЈКА ТЕРЕЗА“

Ова локација се наоѓа веднаш до главниот прометен булевар. Во околината се наоѓаат неколку јавни институции, Веро центар, автобуска постојка, голем број угостителски објекти итн.

Најчесто на оваа локација транзитираат граѓани кои ги посетуваат јавните институции, вработени во институциите кои се наоѓаат во околината, студенти и граѓани кои ја користат автобуската постојка во близина.

Она што треба да обезбеди оваа површина е следново:

  • Простор за одмор за граѓаните кои транзитираат на овој дел
  • Простор за уживање во работниот одмор за вработените во локалните институции

Локацијата треба да ги понуди следните основни содржини:

  • Високистеблени автохтони растенија и автохтони цвеќиња за сенка, и цвеќиња или овошни стебла
  • Мала чешма за вода
  • Осветлување
  • Мали корпи за отпад

Дополнително:

  • Покриен дел со елементи за одмор – големи дрвени клупи за одмор, масички и столчиња
  • Паметни клупи (кои располагаат со приклучоци за полнење мобилни уреди, безжичен интернет, ноќно осветлување, и др.)
  • Жива ограда да обезбеди одвојување на просторот од бучниот булевар

6. ПАРК НА АРХИТЕКТОНСКИ ФАКУЛТЕТ

Овој зелен простор се наоѓа во склоп на Архитектонскиот факултет, веднаш на главниот булевар „Партизански одреди“ и најмногу користен од страна на студентите кои студираат на овој факултет или ја користат библиотеката Браќа Миладиновци.

Во тој поглед она што треба да обезбеди оваа површина е следново:

  • Простор за релаксација и уживање
  • Простор што ќе ја поттикне креативноста кај студентите
  • Простор за дружење и забава за студентите

Локацијата треба да ги понуди следните основни содржини:

  • Креативни елементи за одмор и за работа на отворено (да биде изработена од страна на студентите преку ко-дизајнерска работилница)
  • Осветлување
  • Креативна инсталација (да биде изработена од страна на студентите преку ко-дизајнерска работилница)
  • Мали корпи за отпад

Дополнително:

  • Паметни клупи (кои располагаат со приклучоци за полнење мобилни уреди, безжичен интернет, ноќно осветлување, и друго.)
  • овошни дрвја

Сите ваши мислења и коментари во поглед на концептите слободно доставете ги на [email protected]најкасно до 30 мај со цел да може да се направи ревизија на концептите пред распишување на јавната набавка.