Отворен првиот „Велоштад“ во Скопје

Од денеска официјално е отворен вело паркингот во склоп на Транспортниот центар во Скопје. Решението „Велоштад“ на младите Михајло Стојановски и Теа Дамјановска е победник на повикот за прототип на вело паркинг, и нивното решение е поставено на локација во склоп на Транспортниот центар. Идејното решение за велосипедски паркинг е надополнето со мурал кој испраќа порака за подобра мобилност, спортска активност и здрав хачин на живот. Муралот, финансиран од ЕУ, е дело на тројца дипломирани уметници: Сања Симоска, Сали Ертунц и Бранкица Јорданковска.

Редизајнот на оваа јавна површина, како и други во Скопје кои периодов добиваат ново лице, е резултат на иновативен и инклузивен пристап во конципирањето на јавните површини, спроведен по принцип „со граѓаните, за граѓаните“.

Градоначалникот на Град Скопје, Петре Шилегов и амбасадорот на делегацијата на ЕУ во Северна Македонија, Дејвид Гир, денеска го отворија првиот плоштад за велосипеди во Скопје – Велоштад, кој произлезе како резултат на спроведената ревизија на велосипедски политики која Град Скопје ја спроведе со целосна поддршка од Германското друштво за меѓународна соработка(ГИЗ).

– Имам големо задоволство да го отвориме првиот ВЕЛОШТАД – плоштад за велосипеди во нашиот град, овде кај Железничката станица, локација којашто заедно со Скопје Лаб од 11 понудени ја избраа токму велосипедистите. Овде отвораме за првпат место каде што велосипедите ќе бидат безбедни и ќе може велосипедистите да ги остават тука и да продолжат да користат јавен транспорт или воз и да се можат безбедно да се вратат со велосипед со што овозможуваме комбинирање на урбаното движење во нашиот град. Овој прекрасен мурал зад нас е изработен со целосна поддршка на Канцеларијата на делегацијата на ЕУ во РСМ и токму заради тоа амбасадорот Дејвид Гер е денеска тука со нас на пуштањето во употреба на овој нов функционален простор за скопските велосипедисти. Сервисната станица која е поставена тука ја добивме од нашите долгогодишни вело партнери од Стопанска Банка – рече Шилегов.

Тој додаде дека ова е реализација на идејата да се примени принципот на мултимодалност во велосипедските политики со кои им се им се нуди можноста безбедно да ги паркираат своите велосипеди кај Транспортниот центар од каде што ќе можат да продолжат да користат воз, меѓуградски автобус или некој од градските и приградските автобуси на ЈСП Скопје.

Велоштадот покрај држачите за безбеден паркинг на велосипеди и сервисна станица за велосипеди, опфаќа и гардеробер за брзо пресоблекување, кабини за долготрајно паркирање на велосипедите, фонтана за вода за пиење и соодветна урбана опрема која дополнително го хуманизира овој простор.

Преку своите јавни претпријатија Градот Скопје се вклучи и во дополнително уредување на овој простор за да се добие една функционална целина која ќе биде и естетски убава и доволно привлечна за граѓаните за тие да го минуваат своето време тука.

Град Скопје и понатаму посветено да ја гради својата мрежа на вело патеки, во континуитет се поставуваат паркиралишта за велосипеди на различни локации во градот, и продолжува да вложува во одржливата урбана мобилност и на тој начин се грижи за животната средина во нашиот град.

Почитајте повеќе за Велоштад решението на следниот линк.

Проектот се реализира со финансиска и техничка поддршка од страна на Германското друштво за меѓународна соработка (GIZ) преку компонентата за спроведување на активна мерка за развој на велосипедската инфраструктура и проектот Градови на иднината на Југо-источна Европа кој го спроведува СмартАп Лабораторија за социјални иновации, организација која истовремено го води Центарот за иновации на Град Скопје – Скопје Лаб, и Градот Скопје.

Се уредува нов зелен сквер во Аеродром

На постојната зелена површина од 2000 метри квадратни на крстосницата помеѓу булеварот Јане Сандански и улицата Владимир Комаров во Општина Аеродром, денеска започна редизајнот на третата од вкупно 4 локации, што Градот Скопје ги уредува во зелени скверови.

– Ова е третата локација на која Градот Скопје во соработка со Скопје Лаб работи на уредување на запуштените површини што се наоѓаат во  различни општини. Целосното преуредување на просторот се очекува да заврши за 30 дена, а ќе се врши врз основа на анкетите коишто се направени со локалното население коешто гравитира кон овие површини. Анализирани беа нивните навики и потреби за да го направиме овој простор во Аеродром едно пријатно катче каде што тие ќе го поминуваат слободното време – кажа Шилегов.

Вредноста на проектот за уредување на новиот зелен сквер изнесува околу 3,7 милиони денари, а реализацијата на истиот се очекува да заврши за 30 дена.

Локацијата е избрана од граѓаните како една од 7-те локации во Скопје идентификувани во рамките на Иницијативата на Скопје Лаб и УНДП  што започна во 2018 година.  Во овој процес беа вклучени различни возрасни групи на граѓани  преку користење квалитативни и квантитативни методи за утврдување на потребите на граѓаните кои живеат на во овој дел од населбата.

Дополнително се работи на мапирање на дневните и ноќните активности и програма, однесувањето на луѓето и природата, физичката микро и макро околина, со цел подобро разбирање на постојниот социо-културен контекст.

На почетокот на активностите за уредување на новиот зелен сквер на крстосницата помеѓу булеварот Јане Сандански и улицата Владимир Комаров присуствуваше и градоначалникот на Општина  Аеродром, Златко Марин.

Сите изработени решенија во склоп на иницијативата #РедизајнСкопје можете да ги погледнете на нашата нова веб-страница.

Реализација на нов зелен сквер кај „Млин Балкан“

На јавната парковска површина која е лоцирана пред и зад амбулантата „Млин Балкан“,  Град Скопје од денеска уредува нов зелен сквер. Целосната површина на предниот и задниот парк ќе се преработи со тоа што само високото зеленило ќе се остави и вклопи во новата концепција на уредување на просторот.

Делот на паркот кој е лоциран пред амбулантата ќе се уреди максимално да се искористи како место за одмор, комуникација и контакти, а задниот парк ќе биде детско игралиште со опрема која може да ја користат сите деца над три години.

 

Уредувањето на ова ново катче е дел од проектот за редизајнирање на јавните зелени површини на 4 локации во Скопје, според кој, зелени скверови ќе се формираат и на булеварот Јане Сандански – кај „Палма“, на раскрсницата на булеварот Јане Сандански и улицата Владимир Комаров и на булеварот Илинден, до гимназијата „Орце Николов“, каде што веќе течат активностите на терен.

– Денеска започнуваме со уредување на овој простор, втор по ред од  вкупно 4 локации во општините кои се резултат од анализите коишто ги направивме преку Скопје Лаб. Овде пред Млин Балкан  во следните дваесетина дена  на површина од околу 600 квадратни метри целосно ќе биде  преуреден овој простор и потоа предаден на општина Центар. Знаете дека минатата недела  започнавме активности за  уредување на паркот  во општина Карпош, и  ни остануваат уште две локации  во општина Аеродром. Очекувам дека по уредувањето овој простор ќе ги задоволува сите  потребите на граѓаните од соседството бидејќи беа анкетирани луѓето коишто живеат на оваа микро локација, беа анализирани нивните барања и во согласност со нив беа изработени проектите – изјави  Шилегов.

Локацијата е избрана од граѓаните како една од 7-те локации во Скопје идентификувани во рамките на Иницијативата на Скопје Лаб и УНДП  што започна во 2018 година. Овој процес подразбираше директно вклучување на граѓаните не само во изборот на локациите, туку и во идентификување на нивните потреби на секоја од овие локации поединечно. Вклучени беа различни возрасни групи на граѓани во процесот преку користење квалитативни и квантитативни методи – онлајн прашалници, теренски интервјуа, опсервација, фотодокументација. Се идентификуваа потребите на граѓаните кои живеат на локациите, гравитираат или поминуваат низ нив. Дополнително се мапираа дневните и ноќните активности и програма, однесувањето на луѓето и природата, физичката микро и макро околина, со цел подобро разбирање на постојниот социо-културен контекст.

Резултат од овој процес се 7 концепт дизајни на „Скопје Лаб“, подоцна разработени во елаборати за изведба, кои се водилка за нивното понатамошно уредување од Градот Скопје и од општините.

– Оваа активност е дел од уредувањето на сериозно запуштени простори во нашиот град, ова е дел од зазеленувањето на нашиот град, кажав веќе дека  над 115.000 метри квадратни  се досега зазеленети, а есенската сезона е пред нас. Така што подобрувањето на уловите на живот во инфраструктурата, како и на микролокациите  се нашиот императив за да го подигнеме квалитетот на нашето урбано живеење во градот – кажа Шилегов.

На почетокот на активностите за уредување на новиот зелен сквер кај „Млин Балкан“ присуствуваше и градоначалникот на Општина  Центар, Саша Богдановиќ.

Сите изработени решенија во склоп на иницијативата #РедизајнСкопје можете да ги погледнете на нашата нова веб-страница.

Изработени финални концепти од работилницата за редизајн Скопје 2.0

Втората фаза од иницијативата Редизајн на јавни површини во Скопје Скопје 2.0 усвои односно промовира еден нов иновативен и инклузивен пристап во креирање на концепти кој се води по принцип – ко-дизајнирање со граѓаните  за граѓаните.

Оваа фаза опфати креирање на концепти за уредување на 9 јавни површини кои беа мапирани во соработка со Град Скопје и локалната професионална заедница. 

Погледнете ги финалните концепти од работилницата за редизајн на јавен простор.

Ул. Коле Неделковски

Беким Бајмак, Бобан Трпо

 

Концепт: Мал парк на едниот крај на улицата со воден ѕид кој ќе игра улога на звучна бариера за звуците кои доаѓаат од булеварот „Илинден“. Се садат дрва кои прават сенка на една голема клупа, поставена на средина од паркот. Партерот е калдрма каде во меѓупросторите има зеленило (трева). Од едната страна на улицата се гради објект со приземје со комерцијална програма. 

Атмосфера на новопроектираната состојба: Тивка, пријатна на изглед, мирна со доволно простор и за движење и за седење. Клупата под сенка на дрвата е привлечно место за одмор за случајните менувачи, но и место за социјална интеракција помеѓу жителите на улицата. Фонтаната само дополнително ги поканува минувачите да се задржат во просторот, додека водениот ѕид го прави местото изолирано од секојдневниот сообраќаен градски метеж.

Очекувани резултати: Би се зголемил бројот на посетители на улицата, би се зголемила социјализацијата помеѓу станарите. Би се решил проблемот со паркирањето, односно би се променил односот на граѓаните кон улицата. За нив оваа улица повеќе нема да е место каде ги паркираат колите, туку место каде што можат да се сретнуваат и дружат. Понатаму улицата би станала препознатливо место и за граѓаните кои не живеат таму поради „водениот ѕид“. Тоа би предизвикало препознавање на ново атрактивно градско катче кое поканува и поттикнува комуникација. 

 

ул. 8ми март

Перица Кипријановиќ, Живкица Димитријеска

Концепт: Заради зачувување на постоечките дрва предложено е спојување на двата отвора и изработка на една голема жардињера која ќе ги вклучи и липите, со цел да се ослободат корените и да се овозможи нивно “дишење“. Во продолжение на тоа предвидена е платформа од префабрикувани елементи на која ќе има две клупи со органска форма која дозволува различен тип на седење односно индивидуално или во група. На крајот на оваа жардињера се предвидува и фонтана налик градска чешма која треба да овозможи користење и инклузивност за сите, вклучувајќи и лица со попреченост и миленичиња.

Атмосфера на новопроектираната состојба: Поголема раздвиженост и повеќе функционален заеднички простор што придонесува до подобра маалска заедница.

Очекувани резултати: Поголема социјализација помеѓу жителите и граѓаните, повеќе минувачи, поголема фрекфенција на велосипедисти, пожива улична атмосфера.  Грижата од страна на станарите на таа улица за зеленилото, што придонесува до нивно меѓусебно здружување со заедничка цел – грижа за просторот. На овој начин би се зајакнале соседските врски. Тоа придонесува и до намалена стапка на провали поради зголемената фрекфенција на луѓе. 

 

ул. Крсто Баиќ

Братислав Зарески, Сања Кесеровиќ

Концепт: Предвиденото решение ја замислува улицата како урбано пацио на отворено, со капацитет за социјализација и одморање на жителите, минувачите и нивните миленици. Соживување со атмосферата на ова ново културно катче преку различни елементи и зелени зони со урбана опрема и паркинг за велосипеди, при што се очекува намалување на бројот на паркирани автомобили на улицата. Денивелацијата се совладува со рампа и вградување на велосипедска патека паралелно по должината на едниот пешачки тротоар. Преку жолта боја се поврзува со соседните улици и тоа во вид на инка. Нов свеж амбиент на улицата, решавање на проблемот со паркирањето на автомобилите (истите да бидат паркирани на официјално назначените паркинзи во блиска околина), добива карактеристики на јавно катче за социјализација и одмор.

Очекувани резултати: Локалните жители го одржуваат овој ново-вграден простор (полевање на растенијата, чување на урбаната опрема од несовесните граѓани); одржување на приватни собири помеѓу соседите и мини-манифестации отворени за граѓаните од целиот град. На овој начин се зацврстува социјализацијата помеѓу граѓаните кои живеат тука и останататите граѓани кои минуваат. Јакне локалната малска заедница и се создава идетификација со местото. 

 

ул. Кукушка

Фросина Ангелеска, Јована Величковиќ

Концепт: Интервенцијата предвидува стеснување на влезот од булевар „Илинден” и означување со боја која води кон внатрешноста на улицата. Поставување на зелен ѕид со мал простор за седење, кој го ограничува погледот и поканува да се види што има внатре во улицата. Денивелацијата се совладува со рампа и се овозможува пристап за велосипедисти и лица со попреченост. Преку жолта боја се поврзува со соседните улици, во вид на инка. Во внатрешноста се реорганизира паркингот. Возилата кои паркираат на постојниот паркинг сега заземаат само половина од истиот и паркираат само во почетокот поркај улицата. Останатата половина од паркингот е искористена за детски парк и зеленило со што се оживува просторот. Се предвидуваат повеќе корпи за отпадоци и соодветно осветлување. Конечната цел е зајакнување на маалската заедница и препознатливост на местото 

Челичната конструкција на игралиштето е поделено во еднакви модули, кое може да се изведе на најразличен начин. Покрај поставувањето на детските реквизити за играње, се предвидува и простор за седење на родителите. Со ова решение ќе се обезбеди поголема социјализација, повикување на децата надвор на улица, повеќе минувачи, поголема фрекфенција на велосипеди и жива улична атмосфера. 

 

ул. БЛАГОЈА СТРАЧКОВ

Несим Рочи, Љубица Ефтимова

Концепт: Улицата како урбана соба за социјализирање и одмор за жителите, минувачите и животните преку различни микроклими и урбана опрема, а паркирање во гаражи.

Атмосфера на новопроектираната состојба: Отворено, покриено, слободно, сигурно, мирно, социјализирање, визуелни искуства со различна боја: растеније што менува боја и повеќе микроклими 

Очекувани резултати: Решавање на проблемот со нелегално паркирање и улицата да се користи за социјализација и одмор освен за поминување. Одржување на мали настани и состаноци на отворено со организирано седење на рампата долж широчината на улицата што би му дало нов идентитет на местото – како место за средба. Ваквата содржина би ја зголемила социјалната интеракција на граѓаните и би ја зајакнала маалската заедница.

 

Ул. Коле Неделковски

Маја Вукадиновиќ

Концепт: Кругови во жолта боја ги обележуваат позициите на кои се забележани постоечки активности на улицата, со додавање на урбана опрема создаваме места на кои ќе биде потенцирана веќе постоечката активност. Со светло сива боја се обележани просторите за паркирање на автомобили, ги поставуваме на истите позиции кои во моментот се користат, со таа промена што сега ги регулираме со боја на подлогата. Истите кога не би се користат како паркинг, може да се сметаат како продолжување на прстените кои ги дефинираме со другите бои. 

Атмосфера на новопроектираната состојба: Поголем број на активности кои генерираат фрекфентност. Со бојата предизвикуваме одредени чувства, на пример: жолтата е одбрана како весела боја која поттикнува развој кај луѓето, а посебно кај децата. Се предизвикуваат нови интеракции кои поради недостаткот на јавен простор до сега не биле можни. Очекувани примарни резултати: Со воведување на овие промени се зголемува и безбедноста на улицата. При интеракциите луѓето повеќе се запознаваат со што го враќаме тоа чувство на соседство како социјална структура, а не само физичка поставеност. Секундарни резултати: Улица која припаѓа на луѓето, а не на автомобилите. Зголемување на свеста на луѓето за потребата од човечки содржини кои ќе се наслојуваат и надоврзуваат, наспроти комплетната едноличност и хаотичност на моменталната состојба.

Парк Форум

Димитар Милев, Фросина Ангелеска, Братислав Зарески, Антонија Крајчева и Бојана Митковска

Нашата интервенција се состои од две промени: поделба на една од зелените површини и додавање на метална конструкција со дифузни места за седење.

Првиот дел од нашата интервенција: сакаме да го скршиме бетонот и да ја поделиме првата зелена површина гледано од пасажот кај Котур. Ова го правиме со цел да отвориме патека која ќе го направи просторот попристапен и ќе го обедини истиот. Оваа патека ќе биде поврзана со веќе постоечката патека кај следната зелена површина.
Првичната замисла беше оваа патека да продолжи низ сите зелени површини, со цел да направи полесен пристап од пасажот кај Котур до другиот од улица Македонија. Сепак, оваа идеја ја сведовме на создавање само една поделба кај првата зелена површина, како пробна интервенција која ќе сугерира дека патеката може да се продолжи во иднина.

Вториот дел од нашата интервенција: метална конструкција создадена од модули, која ќе биде поставена на работ од зелената површина. Металната конструкција се состои од 10 модули во два реда, односно 5 доле и 5 горе. Во секој модул ќе има по три метални столчиња на расклопување, кои ќе бидат склопени и закачени. Посетителите на паркот ќе можат да ги земат столчињата и самите да го формираат својот простор за седење. Исто така, низ асфалтот на целиот парк ќе има нацртано “паркинг за столчиња”. Седиштата на овие столчиња ги замисливме како платна за уметност. Дел од столчињата ќе бидат нацртани, со цел да им сугерираме на граѓаните дека и тие можат да го направат истото на останатите. Кога ќе стојат закачени на металната конструкција, столчињата ќе формираат едно импровизирано уметничко дело кое ќе биде интересно за гледање и ќе му даде карактер и живот на просторот.

 

Двор на Студентски дом „Гоце Делчев“

Сандра Николовска, Катерина Пановска, Кристијан Арсовски, Александра Христовска, Томислав Поповски, Ермал Белули

Интервенцијата Urban Snake се состои од три сегменти – обнова на партерот, поставување на дизајнирана урбана опрема и осветлување. Урбаната опрема се состои од четири модуларни коцки, сместени во запците на змиестата бетонска структура, и пет дрвени клупи кои се преклопуваат, но не ја допираат структурата. Секоја од коцките нуди различна програма, па поставени ќе бидат:

  • Коцка за вежбање
  • Коцка за одмор
  • Коцка за лулање
  • Коцка за разговор/читање

Ваквата конфигурација програмски ја збогатува и визуелно ја надополнува геометриската повторливост на змијата. Коцките, се поставени во наизменичен распоред околу бетонскиот постамент и тоа кон паркот и кон зградата на студентскиот дом со цел да се анимира отворениот простор од двете страни. Така, студентите ќе имаат можност на различен начин да го искористат секој дел од просторот. Притоа, растојанието помеѓу секоја од коцките е прикладна се со цел рамномерно анимирање на просорот. Коцките, поставени на бетонски темел, имаат метална конструкција обоена во крем и стојат на челични потпори. Ширината, висината и должината на секоја од коцките се идентични и изнесуваат 2,40 m. Покрај нив, во непосредна близина се поставени дрвените клупи. Тие ги надополнуваат останатите запции постоечкиот бруталистички елемент, притоа давајќи му нов карактер на просторот. Имајќи предвид дека веќе може да се седи на бетонската структура, дрвените клупи ја реинтерпретираат обичната клупа во нов елемент кој ќе даде подинамично сценарио. Дополнително, црвената боја на клупите ќе го разигра и ќе му даде нова енергија на просторот. На клупите ќе може да се седи, лежи или искачува. Сето тоа го дефинира нивниот мултифункционален карактер.

 

Плоштад Балет

Ана Гушева, Андреј Георгиевски, Ангела Трајанова, Асра Хамзаи, Марко Мараш

Новото решение се состои од интервенции кои содржат нови елементи за седење, нови елемнти за поставување на зеленило, нови светлосни елементи и апликација на силни бои со цел да го разбудиме просторот и да му донесеме нов амбиент. Истите тие интервенции би можеле да почнат да се поставуваат откако тој простор ќе биде среден според горенаведените препораки. Првата фаза би била поставување на дрвена платформа oд дрвени летви врз метална подконструкција околу постоечката структура за да се потенцира тој сегмент и да се издвои од површината на плоштадот. Поради тоа што околу скалишното јадро има перманентна бетонска структура со платформи за седење, врз неа додаваме нови дрвени платформи чија димензија варира во зависност на која страна се поставени. Ваквата интервенција повлекува поставување на нов покривен елемент кој ќе ги заштитува дрвените платформи за седење.

Следниот чекор е затварање на скалите кои водат до подземниот паркинг поради тоа што се неупотребливи и моментално служат како дупка за отпад. Со нивното затварање се отвара површина за формирање на мали различни нивоа за седење од дрвени плочи поставени врз метална подконструкција. Земајќи го предвид фактот дека на тој простор му недостасува светлина во текот на вечерните часови, во концептот се интегрираат и светлосни елементи кои всушност ја предизвикуваат таа трансформација на плоштадот. Овие елементи покрај светлосна функција, му даваат нова композиција на просторот и атрактивни визури кон него, гледајќи од пасажите. Исто така ги замислуваме и како елементи за потпирање во идеални ситуации кога нема да има доволно место за седење околу и во новата структура. Последната интервенција која е вклучена во овој проект е вметнување на ново зеленило во рамките на можностите. За таа цел се озеленуваат кружните елементи и се поставува метална тенка мрежа на столбовите за вертикално израснување на вегетацијa која ќе му даде нов амбиент и карактер на просторот.

 

Менторите кои посветено им помагаа на учесниците во текот на работилниците се: Владимир Ѓоргиевски, Сара Симоска, Ирена Милојеска, Никола Ѓорѓиевски, Ива Петрунова, Дамјан Момировски, Лидија Ристовска и Оливер Илиевски.

Целосно развиените концепти ќе ги најдете на линковите подолу:

Повеќе за проектот можете да прочитате тука.

 

Повик за пријавување учество во процес на дизајнирање на прототип на велосипедски паркинг

Центарот за иновации на Град Скопје – Скопје Лаб објавува повик за пријавување учество во процес на дизајнирање на прототип на велосипедски паркинг. 

Најкреативниот и иновативен дизајн на велосипедски паркинг ќе се постави на локација во склоп на Транспортниот центар Скопје. Ваквиот дизајн ќе ги треба да поттикне граѓаните да ги остават своите  автомобили дома, и наместо нив, секогаш кога е можно да користат велосипеди. Поставување на велосипедски паркинг во склоп на Транспортниот центар дополнително ќе придонесе кон поттикнувње на интермодални патувања (велосипед, автобус, воз, итн.) и зајакнување на инфраструктурата за алтернативен транспорт. Затоа бидете креативни!

Повикот е отворен за сите (индивидуи, тимови и правни лица), а особено се поттикнуваат пријави од мултидисциплинарни тимови кои посебно ќе се вреднуваат.

Во оваа прва фаза се очекува достава на пријава за интерес за учество во процесот за дизајнирање на прототип, по чие завршување ќе се очекува апликантите да достават финален продукт кој што вклучува:

  • Дизајн на модул за велосипедски паркинг + опис на технички карактеристики/спецификации
  • Дизајн на локацијата (вело пјацета)  на која ќе се постави модул за велосипедскиот паркинг
  • Предлог буџет за изведба

Наградени ќе бидат трите најдобри решенија: првонаграденото решение ќе добие 700 евра, второнаграденото 500 евра и третонаграденото 300 евра бруто сума. Избраното првонаградено решение останува во сопственост на Град Скопје. 

По избор на најдоброто решение ќе се помине во втора фаза, односно ќе се отвори повик за изведба. Од лицето или тимот кој стои позади првонаграденото решение се очекува давање поддршка на избраниот изведувач при реализација на решението.

Проектот се реализира со финансиска и техничка поддршка од Германското друштво за меѓународна соработка (GIZ) преку компонентата за спроведување на активна мерка за развој на велосипедската инфраструктура, проектот Градови на иднината на Југо-источна Европа кој го спроведува СмартАп Лабораторија за социјални иновации, организација која истовремено го води Центарот за иновации на Град Скопје – Скопје Лаб, и Градот Скопје.

Вкупниот буџет за изведба на решението е 11.500 евра. Дополнителна поддршка во вредност од 3000 евра е обезбедена за реализација и уредување на локацијата каде ќе биде поставен велосипедскиот паркинг – модул, и тоа за урбана опрема, озеленување, материјали за подлога и сл., односно со сè што располага ЈП Улици и Патишта, ЈП Паркови и Зеленило и Град Скопје. 

ПРОЦЕС НА РАБОТА

  • Објава на повик: 17 март 2020
  • Затворање на повик: 6 април, 16:00 
  • Известување за учество во процесот:  10 април  2020
  • Воведна работилница: 14 април 2020, 14:00 – 18:00 часот
  • Презентација на решенијата пред жири комисија, селекција и наградување на најдобрите: 15 мај 2020

Целта на воведната работилница е запознавање со избраните учесници, посета на локациите и документација на постоечка состојба, дискусија околу предизвици и можности за предложените локации, прашања и одговори за учесниците.

Потоа, во период од еден месец избраните кандидати ќе имаат време да работат на решението. Презентацијата на решенијата ќе се реализира на 5 мај.

*Жири комисијата ќе биде мултидисциплинарна и ќе се состои од членови кои работат во релевантна област. Информации за членовите на жири комисијата ќе бидат објавени дополнително.

*Работилницата има можност да се одложи или изведе виртуелно.

ПРОЦЕС НА ПРИЈАВА

Како да се аплицира?

Апликациите се поднесуваат електронски преку следниот линк: https://www.surveymonkey.com/r/velosipedski-parking

Потребни документи за пријава

  1. Основни информации за апликантот (индивидуалец или тим). Доколку аплицирате како тим за секој член треба да се пополнат информациите.
    • Име и презиме
    • Возраст
    • Пол
    • Образование 
    • Занимање 
  2. Кратко резиме (портфолио) за апликантот (да не надминува 3 страни). Доколку аплицирате како тим, за секој член на тимот треба да се достави кратко резиме или едно сумарно. Резимето треба да содржи информации за професионални квалификации на апликантот или апликантите доколку е тим, нивно претходно искуство, информации за добиени признанија/награди и линкови до претходни проекти/дела. 
  3. Изјава за сериозност и достапност. Изјавата треба да биде потпишана од апликантот, а доколку е тим од одговорното лице на тимот и скенирано да се прикачи во апликациската форма.
    • Изјавата може да ја најдете на следниов линк: https://cutt.ly/Htj2o6w
    • Напомена: Без потпишана изјава нема да се прави оценување на пријавата.

 

КРИТЕРИУМИ ЗА ОЦЕНКА НА АПЛИКАНТИТЕ

Критериуми Учество во вкупната оценка
Образование: ниво на образование (средно, стручно и високо образование, магистер на науки или еквивалент) и релевантност 

*Релевантно образовние од областа на индустриски дизајн, архитектура, градежништво, машинство, сообраќај, антропологија, уметност и слични науки.

Индивидуална пријава – Вкупно поени 0- 2

Тимска пријава – Вкупно поени 0-4

20%
Претходно искуство во исти или слични проекти

Индивидуална пријава – Вкупно поени 0 – 2

Тимска пријава – Вкупно поени 0 – 4

25%
Квалификации – оценка на портфолио, релевантност и квалитет на проекти, пристап и аналитика на одредени тематики и способност за справување/давање одговор на адресирани проблеми.

Индивидуална пријава – Вкупно поени 0 – 2

Тимска пријава – Вкупно поени 0 – 4

35%
Естетско изразување 

Ниво на способност за високо-естетско изразување:

20%
Максимум поени 

  • Индивидуална пријава – 6 поени – 100%
  • Тимска пријава – 12 поени – 100%
100 %

ВОДИЛКИ ЗА ИЗРАБОТКА НА РЕШЕНИЕТО

НАСОКИ ЗА ИЗРАБОТКА НА РЕШЕНИЕТО

Минимални барања во поглед на материјалот за изработка на велосипедски паркинг – модул

  • Лесен за одржување
  • Неабразивен и отпорен на различни временски влијанија
  • Вандализмот е една од грижите на велосипедистите во градот. Затоа сите материјали кои ќе се користат мора да се трајни. Дополнителна предност би била доколку површината е од материјал од кој лесно се вади боја, но не се пренесува лесно на самите велосипеди.  

Минимални барања во поглед на дизајнот на велосипедскиот паркинг – модул

  • Да биде со препознатлив дизајн кој што лесно ќе укажува на намената – место за краткотрајно односно долготрајно паркирање на велосипеди
  • Обезбеден од кражба на велосипедите
  • Компaтибилен за сите видови на заклучувачи 
  • Компатибилен за сите видови на велосипеди
  • Дизајнот да овозможува заклучување во најмалку две точки
  • Универзален дизајн – лесен за самостојна употреба од страна на деца, жени и мажи
  • Да биде пристапен – лесен пристап до местото за паркирање и паркираниот велосипед
  • Паркирање на минимум 15  велосипеди 
  • Лесен за изведба

 Потенцијални корисници на велосипедскиот паркинг:

  • Луѓе кои секојдневно сообраќаат кон Скопје кон надвор и обратно со воз или меѓуградски автобус
  • Луѓе кои секојдневно сообраќаат од Скопје кон околината и обратно со приградски автобус 
  • Луѓе чијашто крајна цел на патувањето е Транспортниот центар

Користење/намена на велосипедскиот паркинг:

  • Велосипедскиот паркинг треба да овозможува краткотрајно и долготрајно паркирање (целодневно и по можност повеќедневно паркирање на велосипеди).

КРИТЕРИУМИ ЗА ОЦЕНКА НА РЕШЕНИЕТО 

КритериумиПоениУчество во вкупна оцена во проценти
Критериуми за држач/модул
Функционалност и капацитет

  • Лесно ставање и вадење на велосипедите, без кревање и можност за превртување
  • Можност за заклучување на различни видови велосипеди (градски, спортски, детски, со корпи и др.)
  • Бесплатно и самостојно користење (едноставен и универзален дизајн)
  • Добра искористеност на просторот и капацитет од мин. 15 велосипеди
1 – 520%
Безбедност

  • Можност за заклучување на повеќе точки (минимум 2) за велосипеди од различни типови, големини и видови
  • Трајно врзани за подлога / неможност за лесно отстранување 
1-520%
Трајност и заштита

  • Трајни, цврсти држачи (тешки за оштетување) и лесни за одржување
  • Минимизирање на присуството на остри агли 
  • Заштита од удирање на велосипедите едни од други и оштетување на делови
1-520%
Естетика

  • Креативен и иновативен дизајн кој комуницира со дизајнот на Транспортен центар и ја комуницира намената
1-520%
Изведба

  • Лесно достапни материјали за изведба или достапност на локални изведувачи
  • Изведба на велосипедскиот паркинг е во рамки на предвидениот буџет
1-520%
Вкупно5-25 поени100%
Критериум – Уредување на вело пјацета 
Функционалност

  • лесно пристапна локација за велосипедско движење без пречки, или блиску до велосипедска патека или со дизајнирана врска 
  • Блиску до влезовите на Железничка, Градска (ЈСП) и Меѓуградска автобуска станица, 
  • Не се уништува постојно зеленило
  • Дополнителни функции на локацијата (седење, одмор), озеленување, дополнителна урбана опрема (станица за сервис, чешмичка, клупа итн.) 
  • Не пречи на пешачки и велосипедски движења
1-525%
Безбедност

  • Пјацетата е на фреквентна локација и/или има додатен надзор
  • Осветлена локација или има предвидено осветлување
1-525%
Трајност,  заштита и материјализација

  • Употреба на материјали за подлога со кои располага ЈП Улица и Патишта 
  • Употреба на материјали за урбана опрема кои се трајни и лесно одржливи и со кои по можност располага Град Скопје
1-525%
Естетика

  • Со почит кон дизајнот на Транспортен центар. Внимателно дизајнирана пјацета која дава слика на убаво добредојде во градот и која е додадена вредност на Транспортниот центар. 
1-525%
Вкупно4-20 поени100%

 

ПРЕДЛОЖЕНИ ЛОКАЦИИ

Поставување и уредување на велосипедскиот паркинг може да се врши на деловите означени со зелено на сликата подолу, кои се сопственост на РМ. 

По изборот на апликантите, до истите ќе се достави точен премер на локациите а воедно и ќе се направи заедничка теренска посета за време на првата работилница наведена подолу во делот “Процес на работа” со цел утврдување на постоечка состојба и документирање.

Сите кои ќе бидат избрани да учествуваат во процесот ќе може да одлучат на која од локациите означени со зелено сакаат да работат по првата теренска работилница со соодветено образложение.

КОНТАКТ И ПРАШАЊА

За сите прашања околу повикот Ве молиме обратете се на:

  • Лице за контакт за содржината на повикот: Софија Богева, Координатор на Скопје Лаб, тел: 076 496 696, емаил: [email protected]
  • Техничка поддршка за апликациската форма: Николчо Гошев, моб: 071 335 141, емаил: [email protected]

Повикот беше дизајниран од страна на мултидисциплинарна работна група составена од експерти и претставници на релевантни институции за време на работилницата за дизајнирање која се одржана на 10 март. Повеќе може да видите на следниот линк- https://www.skopjelab.mk/odrzhana-rabotilnitsa-za-dizajnirane-na-povik-za-izrabotka-na-inovativno-reshenie-za-velosipedski-parking/.

Повик за учесници на работилница: Редизајн на јавни површини Скопје 2.0

После успешната реализација на првиот циклус работилници – Редизајн на јавни површини 1.0, со големо задоволство официјално го отвараме повикот за учесници на вториот циклус работилници насловен „Редизајн на јавни површини Скопје 2.0“, овојпат со неколку нови локации на кои им е потребна вашата креативност и вештини!

Доколку сте граѓанин кој го засега уредувањето на јавните површини и сакате да придонесете за подобрување на вашиот град, ве покануваме да се пријавите на четиридневна работилница за редизајн. Целта на оваа иницијатива е да помогне во озеленување на јавниот простор и негово дизајнирање согласно потребите на граѓаните.

Идентификуваните локации на кои ќе се работи се: 

  1. Краевите на слепите улички кои гледаат на Бул. Илинден и тоа: Ул. Благоја Страчков, Ул. Кукушка, Ул. Крсто Баиќ и Ул. 8ми Март, ул. Коле Неделковски, Ул. Пајак, Ул. Коста Веселинов.
  2. Дел од ул. Наум Наумовски Борче кај “Bike Market” кој ќе се прошири во тротоар и дел од паркингот од спротива кој ќе треба да се озелени.

На следниот линк може да ги погледнете локациите –  https://bit.ly/2S2bQus

Овие површини во моментов се во незавидни услови или се со нецелосно искористен потенцијал. Со оглед дека локациите се наоѓаат неподредно до булевар со голема фрекфенција на возила, озеленувањето на просторот ќе биде клучен елемент во новите дизајни.

Кога и каде?

Работилницата ќе се одржи во викендите: 

  • 15 – 16ти февруари
  • 22 – 23ти февруари

Учество ќе можат да земат 18 учесници, кои поделени во 3 групи, ќе работат на одредени локации под водство на посветен ментор и група на дополнителни експерти од различни области (архитектура и просторен и пејсажен дизајн, градежништво, иновации, занаетчиство итн.) кои ќе им помагаат во процесот.

Како резултат од работилницата ќе се изработат неколку концепт дизајн проекти за овие простори, кои ќе бидат водилка за нивно идно уредување од страна на градот Скопје и општините.

Пријавете се со пополнување на следната форма: https://bit.ly/36EgAvJ

Сите учесници ќе се здобијат со искуство за:

  • Работа во мултидисциплинарен тим
  • Спроведување локално истражување
  • Ко-креирање со крајни корисници
  • Уредување на јавен простор
  • Дизајнирање на урбана опрема
  • Презентирање на проекти и идејни решенија
  • Изработка на концепт за дизајн на простор (во сите негови елементи)
  • Сертификат за учеството

Учесниците можат да бидат:

  • Студенти од областа на  архитектура, просторен или пејсажен дизајн
  • Млади архитекти, уметници, пејсажни дизајнери, градежници, инженери 
  • Сите останати заинтересирани граѓани од било кое занимање кои сакаат и сметаат дека можат да придонесат во процесот

Присуството е задолжително на сите денови од работилницата (во просек 5-6 часа на ден).

Задолжително е носење на свој личен лаптоп за потребите на проектот. Работилницата е бесплатна, работен јазик на работилницата е македонски.

Активноста е организирана од Скопје Лаб – Центар за иновации на Град Скопје со поддршка од Скопската жива градска лабораторија (Skopje Urban Living Lab) и Програмата за развој на Обединетите нации (UNDP MK).

.

За СкопјеЛаб — Центар за иновации на Град Скопје

СкопјеЛаб е Центар за иновации на Град Скопје кој работи на изнаоѓање на иновативни начини за решавање на предизвиците и проблемите со кои се соочува Градот. Работи како посредник меѓу граѓаните, академските институции, компаниите, секторите и одделенијата на градот, општините и граѓанските организации со цел ко-креирање на заедничка вредност, брзо прототипирање и/или проверка и селекција на иновативни решенија.  – https://www.skopjelab.mk/

Одржан прв циклус работилници за редизајн на јавни површини во Скопје

Центарот за иновации на Град Скопје – СкопјеЛаб  во текот на месец декември 2019 година одржа неколку последователни работилници на тема „Редизајн на јавни површини“, кои се фокусираа на три јавни површини во Скопје со активно учество на студенти по архитектура и пејзажен дизајн како и на граѓани кои имаат вештини со кои може да придонесат во креирањето на концепти. Оваа втора фаза од иницијативата имаше за цел подобрување на состојбата на јавни површини во Скопје, преку зголемување на зеленилото и обезбедување поквалитетни јавни места за граѓаните.

Користејќи еден партиципативен пристап кој се базира на ко-креирање со крајниот корисник, овие работилници обезбедија не само креирање на концепти согласно потребите на граѓаните, туку и отворија можности за поактивно вклучување на младите во општествениот живот и генерално кон зголемување на свесноста кај јавноста за отвореноста на дел од институциите за соработка во вакви иницијативи.

Идентификуваните локации на кои се работеше се: Парк Форум, Двор на студентски дом Гоце Делчев и Плоштад Балет. Како резултат се изработија 3 концепт дизајн проекти за овие простори кои служат како водилка за нивно идно уредување од страна на градот Скопје. Трите групи беа водени од тројца архитекти: Сара Симоска, Никола Ѓорѓиевски и Ирена Милојеска, како и еден електроинженер Владимир Ѓоргиевски. Работилниците се одржуваа во просториите на Skopje Urban Living Lab во старата скопска чаршија.

По работилниците, на 21ви јануари, во просториите на Советот на Град Скопје се одржа отворена презентација на 3те концепти пред надлежните како и пред локалното население со цел да се соберат финални коментари. Ги покануваме сите заинтересирани граѓани да ги следат социјалните профили на СкопјеЛаб каде може да се информираат за процесот и остварувањата. По целосно финализирање на концептите, истите ќе бидат објавени и јавно достапни на нашата веб-страница skopjelab.mk.

Презентација на концепти за редизајнирање на јавни површини во Скопје

Град Скопје и Центарот за иновации на Град Скопје – Скопје Лаб ве покануваат да присуствувате на презентацијата на концептите за редизајнирање на 3 јавни површини во Скопје кои се резултат на работилниците за редизјанирање на јавен простор кои се оддржаа во периодот 14 – 22 декември 2019 година.

  • Датум: 21.01.2019
  • Локација: Сала на совет на Град Скопје
  • Време: 14 часот

Иницијативата и целиот процес на реализација беше организиран од страна на Скопје Лаб, додека фасилитацијата и менторирањето на тимовите беше реализирано од страна на 4ца млади професионалци:

  • Сара Симоска – М-р. Архитект
  • Владимир Ѓорѓиевски – Дипл. Електро инжињер во полето на Енергетска Ефикасност
  • Никола Ѓорѓиевски – Дипл.Инж. Архитект и Дипл.Пејсажен Арх.
  • Ирена Милојеска – М-р Архитект

На работилниците присуствуваа вкупно 17 млади лица  – студенти и ученици кои беа избрани по пат на јавен повик.

Повеќе за иницијативата и работилниците може да најдете овде https://www.skopjelab.mk/rabotilnitsi-redizajn-na-javni-povrshini-vo-skopje/ .

Во склоп на настанот ќе се презентира на кратко и за она што беше опфатено и сработено во првата фаза од иницијативата во која беа опфатени 7 јавни површини во Скопје.

Интервју: Јавните површини може да се унапредат со активно учество на заедницата

 

ФакторСо рапидната и неконтролирана урбанизација голем број на јавни површини во Скопје се узурпирани со што се намали квалитетот на живот. Како вашата работилница ќе даде придонес кон промена на овие состојби?

БогеваОва е втора фаза од иницијативата чија цел е подобрување на состојбата на јавни површини во Скопје, преку зголемување на зеленилото и обезбедување поквалитетни јавни места за граѓаните. Земајќи еден партиципативен пристап кој се базира на ко-креирање со крајниот корисник, овие работилници ќе обезбедат не само креирање на концепти согласно потребите на граѓаните, туку и отвараат можности за поактивно вклучување на младите во општествениот живот и генерално кон зголемување на свесноста кај јавноста за отвореноста на дел од институциите за соработка во вакви иницијативи.

Крајниот резултат од работилниците ќе им обезбеди целосно дефинирани концепти за неколку локации (концепт за идејно решение и предлог модел за одржување) кои ќе може Градот Скопје понатаму полесно да ги имплементира и одржува.

ФакторВие предвидовте изработка на концепт решенија за три локации меѓу кои Парк Форум, дворот на студентскиот дом Гоце Делчев и Плоштад Балет. Зошто токму овие локации и што очекувате од кандидатите?

БогеваВо претходната фаза на креирање на концепти, тимот на Скопје лаб доби повеќе од 70 нови предлози за локации, меѓу кои беа и овие три. Изборот на овие локации беше базиран на критериуми како: запуштен простор кој нуди огромен потенцијал за локалните жители да заборават на урбаниот аспект на градот, простор кој е често посетуван и простор кој може да ги ублажи влијанијата на урбаните топлотни острови.

Од кандидатите очекуваме посветеност, желба да се пренесе знаењето и вештините и желба за соработка и придонес за подобар град.

ФакторВо работилницата ќе бидат ангажирани тројца успешни архитекти и еден електроинженер како ментори. Какво е нивното искуство во збогатување на јавните простори и какво знаење ќе им пренесат на учесниците?

БогеваСите ментори кои се вклучени во работилниците имаат претходно искуство во фасилитација на вакви настани и особено искуство и знаење во дизајнирање на зелени јавни површини. Како пример би ја посочиле менторката Сара Симоска, која активно работи на културно оплеменување и реанимирање на јавни површини и е позната п о нејзината работа со организацијата МЕЛЕЕМ, каде главниот фокус е активно вклучување на локалното население.

ФакторКоја би била следна фаза по завршување на работилницата, дали концепт решенијата ќе се спроведат?

БогеваПо завршување на работилницата, концепт решенијата ќе бидат презентирани пред надлежните во Град Скопје и локалното население со цел добивање на фидбек. По имплементација на фидбекот, и согласно буџетската рамка на концептот, Градот Скопје ќе осигура финансиски средства со кои, како и во претходната фаза, ќе поддржи изработка на идејни решенија и делумна имплементација на решенијата. Останатиот дел потребни средства за имплементација и одржување ќе бидат обезбедени од приватниот сектор преку различните пристапи за формирање партнерста кои Скопје Лаб ги користи и оджува.

ФакторКако да се постигне поголема вклученост на експертите, граѓаните и младите во урбаното планирање, има ли слух кај локалната власт и како да се спречи понатамошно уништување на квалитетот на живот во Скопје за сметка на профитот?

БогеваГрад Скопје со тоа што веќе ја поддржа фаза на оваа иницијатива за редизајн на јавни површини, докажа има слух и е отворен за вакви иницијативи кои помагаат во подобрување на квалитетот на живот. Сепак потребна е поголема поддршка на вакви иницијативи од самите граѓани, особено нивен поактивен придонес во промоција на ваквите иницијативи и во идентификување на можности за градење на партнерства со други организации кои работат на темата. Особено важно е покрај Град Скопје, другите локални власти поактивно да се вклучат и да дадат поддршка во ваквите иницијативи и особено да поттикнуваат локални акции за подобрување на јавни површини во своите општини.

Х.С.

*Оваа новост е преземена од Faktor.mk. Истата можете да ја погледнете на следниот линк: https://bit.ly/2S5dNbp

Работилници: Редизајн на јавни површини во Скопје

Скопје во изминатите години почна да ги губи последните зелени јавни површини како резултат на брзиот и неизбежен раст на градот. Како да ги препознаеме деловите од градот каде треба да дадеме нова енергија со активно вклучување на локалното население и заинтересираните граѓани?

Доколку ве засега прашањето погоре и сакате да придонесете за вашиот град, пријавете се на четири дневна работилница за редизајн на три јавни површини во Скопје кои имаат огромен потенцијал да направат промена, но се во незавидни услови.

Работилницата ќе се оддржи во викендите: 14 – 15ти и 21 – 22ри декември, со вклучување на 15 учесници кои ќе работат во 3 групи, секоја група по 1 локација.

Идентификуваните локации на кои ќе се работи се: Парк Форум, Двор студентски дом Гоце Делчев и Плоштад Балет.

Како резултат ќе се изработат 3 концепт дизајн проекти за овие простори кои ќе бидат водилка за нивно идно уредување од страна на градот Скопје.

Пријавете се со пополнување на следната форма: https://forms.gle/oooomxu3DQ9uvXUR8

Работилницата ќе биде водена од 4 ментори, тројца архитекти: Сара Симоска, Никола Ѓорѓиевски и Ирена Милојеска и еден електроинжењер, во полето на енергетска ефикасност, Владимир Ѓоргиевски.

Сите учесници ќе добијат искуство за:

  • Спроведување локално истражување
  • Уредување на јавен простор
  • Дизајнирање на урбана опрема
  • Сертификат за учеството

Учесниците може да бидат:

  • Студенти по архитектура
  • Архитекти
  • Заинтересирани граѓани од било кое занимање кои сакаат да придонесат во процесот

Присуството е задолжително на сите денови од работилницата (во просек 5 часа на ден).
Задолжително е носење на свој личен лаптоп за потребите на проектот. Работилницата е бесплатна.

Ментори

Сара Симоска е Архитект и основач на МЕЛЕЕМ Скопје. Главен организатор и иницијатор на сите активности од МЕЛЕЕМ. Победник на интернацинални архитектонски конкурси во Италија, Русија, Србија и Словенија. Со МЕЛЕЕМ имаат реализирано урбани интервенции во Прилеп, Тетово, Скопје и Белград кои што го имаат променето градот со активно вклучување на локалните жители.

Никола Ѓорѓиевски е архитект, пејзажен архитект и урбанист. Дипломирал и магистрирал на Архитектонскиот Факултет во Скопје – УКИМ (2015), а понатаму магистрирал и во областа на пејзажната архитектура во Осло, Норвешка. Автор и коавтор е на повеќе архитектонски текстови и публикации добитник е на интернационални награди и признанија од областа на архитектурата.

Ирена Милојеска е магистер по архитектура на Архитектонскиот факултет при УКИМ. Активен член е на организацијата ЕАСА – ЈАТО, Скопје која е дел од интернационалната мрежа за студенти по архитектура од цела Европа. Во текот на нејзините студии била учесник на повеќе домашни и интернационални натпревари, работилници, конкурси и изложби . По завршувањето на студиите, станува дел од организацискиот тим на Интермедијалната Конференција за Национални Контакти и студенти по архитектура, која што за прв пат се случи во Македонија, во Октомври 2019 во село Трпејца.

Владимир Ѓоргиевски е демонстратор и истражувач на Факултетот за електротехника и информациски технологии при Универзитет Св. „Кирил и Методиј“, Скопје, Северна Македонија. Негов интерес се енергетското моделирање, интеграцијата на енергетски сектори, системите за складирање на енергија и енергетската флексибилност на згради. Своето истражување го објавил на меѓународни и домашни списанија и конференции. Бил дел од основачкото тело на Здружението за промоција на енергетската ефикасност и одржливиот развој СКЕЕОР.

Активноста е организирана од Скопје Лаб – Центар за иновации на Град Скопје со поддршка од MELEEM Skopje и ќе се одржува во Скопската жива градска лабораторија (Skopje Urban Living Lab) во Старата скопска чаршија.